Kusunda I Nzila Ino Yeova Akalangilamo Ukuti Watutemwa

Ilingi ukusunda kukapiliula ukusambilizya, lelo mwaya nu kulungika alino nu kukalipila. Yeova akatusunda pakuti twamupepa ukulingana na vino akalonda. (Loma 12:1; Ayeb. 12:10, 11) Insita zimwi, ukusunda kusiuvwika ningo, lelo ukupokelela ukusunda kungalenga tuye antu asuma nupya tungapokelela mapaalo. (Mapi. 10:7) I vyani vino yayo aakusunda auze alino na yayo yano ya kusunda yalinzile ukulaiusya?

Aakusunda. Ya elunda, avyazi alino na antu yauze yakaezya ukuya ni cikuuku nu kutemwa lino yakusunda, wakwe vino Yeova akacita. (Yele. 46:28) Nanti alino cikulondekwa ukusunda umwi uwatacita icintu icipisye ukusunda kuko kulinzile ukuya kulingana na vino ivintu vili nupya mulinzile ukuya ukutemwa.—Tito 1:13.

Wino ya kusunda. Usi mulandu ni nzila ino yatusundilamo, tutalinzile ukukana ukusunda kuko, lelo tulinzile ukuomvya ukusunda kuko papo kwene sile. (Mapi. 3:11, 12) Vino tutamalilika, swensi tukalondekwa ukusundwa umu nzila izipusanepusane. Tungasundwa ukupitila umu kubelenga Baibo nanti muli vino tukasambilila uku kulongana. Insita zimwi yamwi yangalondekwa ukusundwa na komiti ya upinguzi. Ndi cakuti tukuvwila ukusunda tulaya nu umi usuma nupya tulikala amanda pe.—Mapi. 10:17.

TAMBINI VIDYO IYAKUTI: “YEOVA AKASUNDA UMUNTU WENSI WINO WATEMWA,” ALINO MWASUKE MAUZYO ALONDELELAPO:

• 

  Uzye umi wakwe ya Canon wali uli pa kutandika, nupya wasenwike uli?

• 

  U kusunda ci kuno yapokelile ukufuma kuli Yeova?

• 

  I vyani vino tungasambilila kuli vino vyayacitikile?