Mwaomvya Ivilangililo pa Kusambilizya Ivisinka Ivikalamba

Lino twaswilila kuli yano twasimikile nanti lino tukutungulula masambilila ya Baibo, tulizile ukuyavwa ukuvwikisya ivisinka ivikalamba. Nga tukuomvya ivilangililo pa kusambilizya ivisinka ivikalamba tungafika yano tukusambilizya pa mwenzo nupya tungalenga ciyangupalile ukwiusya vino ya kusambilila.

Lino mukupekanya ukuswilila kuli yano mwasimikile nanti mukupekanya ukuya umu kutungulula isambililo lya Baibo, mwasoolola ivisinka ivikalamba vino mungalondolola ukuomvya ivilangililo, asi visinka ivinono foo. Mwasoolola ivilangililo ivyangupale ukulingana ni vikacitika uku ncende iyo. (Mate. 5:14-16; Mako 2:21; Luka 14:7-11) Mwasininkizya ukuti mukwelenganya pa nkulilo alino ni vikacitikila ya kakutika inu. (Luka 5:2-11; Yoa. 4:7-15) Ndi cakuti mwalola vino ya kakutika inu yaya nu luzango pa mulandu ni visinka vino yuvwa, namwe kwene mulaya nu luzango.

TAMBINI VIDYO IYAKUTI MWAIPAKIZYA ULUZANGO ULWAYA MU KUPANGA ASAMBI—MWAZIFYA IMISIMIKILILE INU—MWAOMVYA IVILANGILILO PA KUSAMBILIZYA IVISINKA IVIKALAMBA, ALINO MWASUKE MAUZYO ALONDELILEPO:

• 

  U mulandu ci uno asambi ya Baibo yangalondekwa ukuyavwa pakuti yuvwikisye ivikomo ivya muli Baibo?

• 

  Uzye Anita waomvizye uli icilangililo pa kulondolola icisinka icaya pali Loma 5:12?

• 

  Uzye ivilangililo ivisuma vingavwa uli ya kakutika itu?

• U mulandu ci uno tulinzile ukuomvyezya mavidyo ni viombelo vyuze vino iuvi lyatupekanyizizya lino tuli mu mulimo wa kusimikila?