SAMBILILINI KUOMBA NINGO UMULIMO WA KUSIMIKILA | TWALILILINI UKUYA NU LUZANGO UMU MULIMO WA KUSIMIKILA
Mwaazwa Asambi Inu aa Baibo Ukulazanwa Uku Kulongana
Ukulongana kwa pa cilongano kwaya pa vintu ivicindamisye umu kupepa ukusanguluke. (Masa. 22:22) Yonsi aakazwanwa uku kulongana nu kupepa Yeova yakaya ni nsansa nupya yakapaalwa. (Masa. 65:4) Asambi ya Baibo yakalunduluka zuwa sana ndi cakuti yakuzanwa uku kulongana kuu.
Mungazwa uli asambi inu aa Baibo ukuti yazanwa uku kulongana? Lyonsi mwayama ukuti yazanwako. Mwayatambisya vidyo iyakuti I Vyani Vikacitika pa Ng’anda ya Wene? Nupya mwayalondolwela umulandu uno ukulongana kwacindamila. (lff sambililo 10) Mungayanenako ivisinka vino mwasambilile pa kulongana nanti ukuyanena vino mulasambilila umu kulongana ukulondelilepo. Mwapeela asambi inu impapulo izili nu kuomviwa umu kulongana. Nupya mwayazwa muli vino yakulondekwa. Limwi yangalondekwa ukuyasendako pa kuya umu kulongana. Umusambi winu alaipakizya sana ndi cakuti mwaipeelesya nu kumwazwa ukuzanwa umu kulongana.—1 Kol. 14:24, 25.
TAMBINI VIDYO IYAKUTI MWAAZWA ASAMBI INU AA BAIBO UKUZANWA UKU KULONGANA, ALINO MWASUKE MAUZYO ALONDELELAPO:
I vyani ivyalenzile ukuti Anita anene Judy ukuyazanwa uku kulongana?
U mulandu ci uno tukayela nu luzango ndi cakuti musambi wa Baibo wazanwa uku kulongana?
“I cumi Leza ali pamwi namwe”
I vyani vino Judy waipakizye lino wazanyilwe umu kulongana pa muku wa kutandikilapo?