Uzye Mukaomvya Ningo Baibo Ibelengelwe Limwi?

Uzye Baibo ibelengelwe limwi ali cani? Aa mazwi abelengelwe limwi aaya muli Baibo umupitulukwemo Uwa Malembo ya Nsi Ipya. Ikafuma panono panono umu ndimi izingi. Icintu conga icisuma icaya muli Baibo ibelengelwe limwi icakuti pali cila muntu uwalumbulwa muli Baibo pakaya izwi ilipusaneko. Amazwi yakabelengwa umu nzila iyakuti ivyeo ivyuvwika kwati avivi kwene vino umuntu walanzile.

Uzye yamwi yakaipakizya uli ukuomvya Baibo ibelengelwe limwi? Aingi aakakutikako lyonsi kuli Baibo ibelengelwe limwi yatemwa vino ikalenga Izwi Lyakwe Leza ukuya ilya cumi cumi kuli aliyo. Yakalola ukuti ukukutika uku mazwi apusanepusane amuli Baibo, kukalenga yaelenganya pa vintu ivyacitikanga alino nu kuyazwa ukuvwikisya icikulandwapo. (Mapi. 4:5) Nupya yamwi yazana ukuti ukukutika kuli Baibo ibelengelwe limwi kukayateekezya ndi cakuti iyasakamikwa.—Masa. 94:19.

Ukukutika Izwi Lyakwe Leza ilibelengelwe limwi kungatwazwa sana umu umi. (2 Mila. 34:19-21) Ndi cakuti kwaya Baibo umubelengelwe limwi wensi nanti umu ciputulwa umu lulimi luno mukauvwa, uzye citange cizipe ukutantika ukuti mwakutikako cila wanda?

TAMBINI VIDYO IYAKUTI UKUPANGA BAIBO IBELENGELWE LIMWI—KAPUTULWA, ALINO MWASUKE IUZYO ILYALONDELELAPO:

I vyani vino mwatemwapo pali vino Baibo ibelengelwe limwi ikapangwa?