Mwaelenganya Pali Vino Munganenako Yauze

Tukauvwa ningo lino tukuisambilizya, lelo tukauvwa ningo sana ndi cakuti tukunenako yauze vino ituisambilizya na vino ivitwazwa ukupalama kuli Yeova. Pa Mapinda 11:25 pakati: “Umuntu uwaya na ukapekape ivintu vilamuzipila.”

Ndi cakuti tukunenako yauze vino tukuisambilizya, cikatwangukila ukwiusha ivyeo vivyo alino nu kuvyuvwikisha. Nupya pa mulandu wakuti ivyeo vivyo vingazwa yauze, tukaya ni nsansa ukuyanenako.—Mili. 20:35.

Ezyini vii: Umu mulungu ukwiza, mukalondeko umuntu umwi wino munganenako vino imusambilila. Munganenako uwa mu lupwa, wino mukalongana nawe, wino mukaomba nawe, wino mukasambilila nawe, nanti umuntu wino mwakomenkanya umu mulimo wa kusimikila. Mwalondolola vino imusambilila umu mazwi inu nupya umu nzila iyuvwike.

Mwaiusha ukuti: Mulinzile ukunenako yauze vino imusambilila pakuti muyakomelezye, asi kuti muyuvwishe ningo.—1 Kol. 8:1.