Watchtower LAIBULALE UWA PA INTANETI
Watchtower
LAIBULALE UWA PA INTANETI
Cimambwe-Lungu
  • BAIBO
  • MPAPULO
  • KULONGANA
  • lfb sambililo 48 ifwa 116-ifwa 117 Pala. 1
  • Umwana Wakwe Mukamfwilwa Waya nu Umi Nupya

Kutaaya vidyo pali vino mwasoolola

Awe icumi catala, vidyo wakaana ukuloleka

  • Umwana Wakwe Mukamfwilwa Waya nu Umi Nupya
  • Vino Mungasambilila Uku Malyasi ya Muli Baibo
  • Ivyeo Ivikolineko
  • Uzye Ukatala Uzuukilwa nu Kuvwa Intete?
    Mwasambilizya Ana Inu
  • Yeova Wakomizye Eliya
    Vino Mungasambilila Uku Malyasi ya Muli Baibo
Vino Mungasambilila Uku Malyasi ya Muli Baibo
lfb sambililo 48 ifwa 116-ifwa 117 Pala. 1
Eliya akulanda na mukamfwilwa aakutiiya inkwi

SAMBILILO 48

Umwana Wakwe Mukamfwilwa Waya nu Umi Nupya

Iciviya umuli usu ni civiya umuli mafuta

Lino kwali icilala, Yeova waneenyile Eliya ati: ‘Yanga uku Zalefati. Kuuku akuno mukamfwilwa alaya akakupeele ivyakulya.’ Lino wafisile apa mpongolo iya musumba, Eliya waweni mukamfwilwa akutiiya inkwi. Wamulenzile amanzi ya kumwa. Lino wayanga umukumuletela manzi, Eliya wamwamile amuneena ati: ‘Napaapata undeteleko nu mukate.’ Mukamfwilwa waswike ati: ‘Ntakweti umukate wakukupeela. Nkweti sile utu usu utunono utwakuti mpangile ivyakulya ivya mwanane ni vyane.’ Eliya wamuneenyiile ati: ‘Yeova watalaya ukuti ndi cakuti wampeela ivyakulya, usu na mafuta vino ukweti vitalasila mpaka imvula ice ize.’

Fwandi mukamfwilwa waswilile uku ng’anda nu kuyapangila kasesema wakwe Yeova umukate. Wakwe vino Yeova walavile, mukamfwilwa nu mwana wakwe yakweti ivyakulya pa nsita yonsi ino kwali cilala. Usu na mafuta vino yakweti vitasizile.

Lyene icintu cimwi iciipe cacitike. Umwana umulumendo wakwe mukamfwilwa walwile mpaka afwa. Mukamfwilwa walenzile uwazwilizyo kuli Eliya. Eliya watoozile umwana wiyo umumakasa yakwe nyina nu kumutwala umu muputule wapapela umu ng’anda yakwe mukamfwilwa. Walaliike umwana wiya pa musanzi nu kupepa ati: ‘Yeova napaapata, leka umwana wii aye nu umi nupya.’ Uzye utumanya umulandu uno cayelile icakuzungusya cino Yeova wacisile? A pa mulandu wakuti pa nsita iya kutali umuntu umwi uwatazile atuutululwapo. Nupya mukamfwilwa wii nu mwana wakwe yaatali Aina Izlaeli.

Umwana wiya wali nu umi, nupya watandike ukufuuta! Eliya waneenyile mukamfwilwa ati: ‘Lola! Umwana wako ali nu umi.’ Mukamfwilwa wali sana ni nsansa icakuti waneenyile Eliya ukuti: ‘Icumi kwene wewe umuntu wakwe Leza. Namanya vii pano ukalanda sile vino Yeova wakuneena.’

Eliya wapeela mukamfwilwa umwanakwe uwatatuutululwa

“Lolekesyini ya mwankole: Yasikomela imbezu nanti ukuzombola; yatakwata inkoma, lelo Leza akayaliisya. Uzye mutacindama ukucila ivyunyi?”—Luka 12:24.

Mauzyo: Uzye mukamfwilwa uwa ku Zalefati walangizye uli ukuti wataile Yeova? Uzye twamanya uli ukuti Eliya wali a kasesema wakwe Yeova uwa cumi?

1 Yamwene 17:8-24; Luka 4:25, 26

    Impapulo Zya Cimambwe-Lungu (2009-2025)
    Fumini
    Ingilini
    • Cimambwe-Lungu
    • Tumiliniko Yamwi
    • Vino mukulonda ukucita
    • Copyright © 2025 Watch Tower Bible and Tract Society of Pennsylvania
    • Masunde pa Miomvezye
    • Kusunga Inkaama
    • Privacy Settings
    • JW.ORG
    • Ingilini
    Tumiliniko Yamwi