Uzye Baibo Ikalandapo Uli?

Uzye Leza wakwata izina?

ANTU YAMWIYAKATI Leza atakwata izina, yamwi nayo yakati a Leza nanti Umwene, lyene yamwi yene yakati Leza wakwata mazina aingi sana.

VINO BAIBO IKASAMBILIZYA AEVI:

‘Awewe sile wenga ukaamwa Yawe nanti Yeova, nupya wenga mpo. Wewe uli Leza Wapapelapela umu nsi yonsi!’—Masamu 83:18.

NAVYUZE VINO TUKASAMBILILA MULI BAIBO

• Nanti cakuti Leza wakwata amazina amucinzi aingi, waipeela umwineco izina sile lyonga.—Kufuma 3:15.

• Leza ataafisa izina lyakwe, akalonda ukuti tumumanye.—Milimo 17:27.

• Inkoleelo tulinzile ukumanya izina lyakwe Leza pakuti tuye ya cuza yakwe—Yakobo 4:8.

Uzye caipa ukulumbula izina lyakwe Leza?

ANTU YAMWI YAKATI . . .

• Ee

• Awe

• Limwi

VINO BAIBO IKASAMBILIZYA AEVI:

“Utalumbula izina lyakwe [Yeova] Leza wako mu mwata wipe.” (Kufuma 20:7) Icaipa sile u kuomvya izina lyakwe Leza umu vintu ivisimuzanzya.—Yelemiya 29:9.

NAVYUZE VINO TUKASAMBILILA MULI BAIBO

• Yesu wamanyile izina lyakwe Leza nupya waliomvyanga.—Yoane 17:25, 26.

• Leza akalonda ukuti twamwama izina lyakwe —Masamu 105:1.

• Alwani yakwe Leza yakaezya ukuvulunganya antu pakuti yilile izina lyakwe Leza.—Yelemiya 23:27.