Lwimbo 21
Antu ya Luse Yaaya ni Nsansa!
(Mateo 5:7, NW)
1. Ansansa antu a luse!
Leza wayatemwa cuze.
Yakasambizya ’ntu kuti
Leza watemwa uluse.
Leza walangizyu luse
Pa kututumila Yesu.
Akatuyelelu luse
Pano tutamalilika.
2. Antu ya luse yapaalwa,
Pano Leza ’kayelela.
Akayalanga uluse
Kupitila muli Yesu.
Nayo yakalangu luse
Lino yakusimikila,
Kulenga antu yazanga
Pano Yesu akuteeka.
3. Afuuke yaaya ansansa,
Leza ’layalangu luse
Nu kuyapingula ningo
Pano yakalangu luse.
Fwandi katwaya nu luse,
Nu kwezya na maka yonsi.
Pano Leza nu Mwanakwe
Yatulangizya uluse.
(Lolini na Luka 6:36; Loma 12:8; Yako. 2:13.)