ISAMBILILO 11

Kucincimuka

Loma 12:11

IVILI UMWI SAMBILILO LII: Mwacincizya nu kukomelezya ya kakutika lino mukulanda.

Mwaleka ivyeo vyamufika pa mwenzo. Lino mukupekanya ilyasi, mwaelenganya pa ucindami wa vyeo vino muli nu kulanda. Mwamanya ningo sana ivyeo pakuti mungavilanda ningo.
Mwaelenganya pali ya kakutika inu. Mwaelenganya sana pali vino ivyeo vino mulawelenga nanti ukusambilizya vilazwa yauze. Elenganyini pa nzila zino mungalandilamo ivyeo pakuti yangavitemwa nu kuviomvya.
Mulinzile ukuya acincile pa kulanda. Mwacincimuka pa kulanda. Mwaomvya umwili umu nzila ya civyalilwa nupya imilolekele ya pa manso ilinzile ukulanga vino mukuyuvwa.

Mutaapumvyanya ya kakutika inu pa mulandu nu kuomvya umwili umu nzila yonga sile. Mwaomvya umwili ukulingana na vino mukulandapo. Mwacincimuka lino mukusambilizya ivisinka vikalamba nu kucincizya ya kakutika ukucitapo vimwi. Mutaatonsya ya kakutika inu pa mulandu nu kucincimukisya umwi lyasi linu lyonsi.