Ta Eo Ej Walok Ñe Jej Mij?

Mij ej oktan mour. Mij ej einwõt ettoñ. (Jon 11:11-14) Ro remij reban roñjake, lo, konono, ak lemnak kin jabdewõt men. (Ekklisiastis 9:5, 10) Kabuñ wan ej katakin bwe ro remij rej etal ñan juõn lal in jitõb ijo ro nukiir rej bed ie. Bible eo ejjab katakin men in.

Ro rar mij rejjab maroñ jibañ kij, im rejjab maroñ kajorrãn kij. Ekkã an armij ro kõmman kwojkwoj in kabuñ ko im lelok men in katok ko kinke rej tõmak bwe men kein renaj kabuñburuen ro rar mij. Men in ejjab kabuñburuen Anij kinke ej bedbed ion nan in riap ko an Satan. Eban kabuñburuen ro remij bareinwõt, kinke rejjab mour. Jejjab aikwij mijak ak kabuñ ñan ro remij. Jej aikwij kabuñ ñan Anij wõt.​—Matu 4:10.

Ro remij renaj bar mour. Jehovah enaj kajerkakbiji ro remij ñan mour ilo paradise eo ion lal. Ien eo ej itok wõt. (Jon 5:28, 29; Jerbal 24:15) Anij emaroñ kajerkakbiji ro rar mij ilo ejja wãwen eo wõt kwomaroñ kworuje juõn armij jen kiki.​—Mark 5:22, 23, 41, 42.

Lemnak in bwe jejjab maroñ mij ej juõn riap me Satan Devil eo ej kajededloke. Satan im demon ro an rej katakin armij bwe jitõb an ro remij rej mour wõt im kajorrãn im kõmman abañ ko jet ñan armij. Satan ej mone armij, jet ien ilo ettõnak ko im vision ko. Jehovah ej liakelok ro rej kajeoñ in konono ibben ro remij.​—Duteronomi 18:10-12.