Karmijeteik Kabuñ Wan!

Satan im demon ro an rejjab kõnan bwe kwon karejar ñan Anij. Elañe remaroñ rekõnan kajeiklok armij otemjej jen Anij. Ewi wãwen air kõmman men in? Juõn wãwen ej ikijen kabuñ wan. (2 Dri Korint 11:13-15) Juõn kabuñ ejjab mol elañe ejjab katakin mol eo jen Bible eo. Kabuñ wan ej einwõt money wan​—jekjekin emaroñ einlok wõt lukkun money, ak ejelok tokjen. Emaroñ tel yuk ñan jorrãn.

Kabuñ wan eban kabuñburuen Jehovah, Anij in mol. Ke Jesus ear bed ion lal, ear wõr juõn jar in kabuñ eo ear kõnan mõne. Rar lemnak bwe wãwen air kabuñ ear jimwe. Rar ba: “Juõn wõt jemem, Anij.” Jesus ear errã ke ibbeir? Jaab! Ear ba ñan ir: “Kom jen jememi devil eo.” (Jon 8:41, 44) Rainin elõñ armij rej lemnak bwe rej kabuñ ñan Anij, ak rej karejar ñan Satan im demon ro an!​—1 Dri Korint 10:20.

Einwõt juõn wijki enana ej jebar leen enana, eindein kabuñ wan ej jebar armij ro rej kõmman nana. Lal in ej obrak kin abañ ko kinke armij ro rej kõmman men ko renana. Elõñ mour etton, ire, kwot, matõrtõr, uror, im rape. Elõñ ian ro rej kõmman men kein renana ewõr air kabuñ, ak kabuñ eo air ejjab kamakit ir bwe ren kõmman emõn. Rejjab maroñ jeran Anij mae ien rej bõjrak jen kõmman men ko renana.​—Matu 7:17, 18.

Kabuñ wan ej rejañ armij ñan kabuñ ñan ekjap ko. Anij ej ba bwe jen jab jar ñan ekjap ko. Ejimwe men in. Emõn ke ibbam elañe juõn armij ear jab konono ibbam ak ear konono wõt ñan picture eo am? Armij eo emaroñ ke lukkun jeram? Jaab. Jehovah ekõnan bwe armij ro ren konono ñan e, jab ñan juõn ekjap ak juõn picture, eo ejjab mour.​—Exodus 20:4, 5.

Kabuñ wan ej katakin bwe ej emõn ñan mõn armij ñan mij ilo ien tarinae. Jesus ear ba bwe ro jeran Anij renaj yokwe don. Jejjab mõn armij ro jej yokwe ir. (Jon 13:35) Bareinwõt enana mõn armij ro renana. Ke ri kijirãt ro an Jesus rar iten jibwe e, ear jab kõtlok bwe ri kalor ro an ren ire im kejbãrok e.​—Matu 26:51, 52.

Kabuñ wan ej katakin bwe ro renana renaj eñtan ilo kijeek. Ak, Bible eo ej katakin bwe jerawiwi ej tellok ñan mij. (Dri Rom 6:23) Jehovah ej juõn Anij in yokwe. Juõn Anij ej yokwe enaj kaeñtan ke armij ro ñan indio? Emol jaab! Ilo Paradise, enaj wõr juõn wõt kabuñ, eo me Jehovah ej buñburuen kake. (Reveles̃õn 15:4) Aolep kabuñ ko rej bedbed ion nan in riap ko an Satan renaj jako.