Bed ilo Kwelok ko—Juõn Eddo Eaorõk
1 Ewi joñan am kaorõk ien ñan bed ilo kwelok ko? Ejelok bere elõñ iad jej eñjake bwe jej kamolol kin kwelok ko. Bõtab, oran ri kwelok ro kar diklok ilo jet congregation ko. Ta eo emaroñ un eo unin? Jet iad jej kõtlok ke bwe jerbal ko jidik wõt tokjeir, mõk, katak ko jen school, jidik wõt abõnõnõ kin enbwinid, ak nana lañ ren kabõjrak kij jen ad ekkeini ad bed ilo kwelok ko? (Dut. 31:12) Kinke men in ej juõn men in aikwij ekkar ñan Jeje ko, kij aolep jej aikwij lemnak ilo jar kin kajitõk in, Ewi joñan aõ kaorõk ien bed ilo kwelok ko?
2 Ilo congregation eo am, emaroñ wõr ro retiljek me rej “jab jako ñan jidik” jen kwelok ko jekdon nañinmij ko relap, utame ko, elap jerbal ko ilo jikin jerbal ko air, ak jerbal ko relap ilo jikin school ko. (Luke 2:37, New World Translation) Etke rej kate wõt ir bwe ren bed ilo kwelok ko? Kinke rej jelã bwe rejjab maroñ anjo ion wãwen ko ilo lal in eobrak kin ijjibed ko elañe rej atartar ion kajur eo air make. Rej aikwij atartar ion kajur eo Anij ej letoke.—2 Kor. 12:9, 10.
3 Ran kein jej lor joñok eo an Christian ro mokta, ro me rar ekkeini air jar, bwebwenato ibben don, im katak Nan in Anij. (Jerbal 4:23-30; 11:4-18; Kol. 4:16) Jej bõk katak ko kin kanan ko ilo Bible im katak in kabuñ ko, im nan in kakabilek ko remõn ñan kajimwe mour ko ad kiõ ilo ad jerbale nan in kaiñi ko ilo Bible. (1 Tim. 4:8) Kobatok ibben men in, jej bõk nan in kakememej ko kin kejatdikdik eo ad bwe juõn ran abañ im eñtan ko renaj jemlok. Ej men in aorõk bwe kejatdikdik in en kajur wõt.—Hib. 6:19.
4 Ewi joñan aorõkin kwelok ko ibben ro uan family eo am? Ej mõttan ke schedule eo am einwõt ien mõñã ak ien am jerbal ilo jikin jerbal eo am? Ilo joten ien kwelok ko, ewõr ke juõn tarinae ilo lemnak eo am ñan etal ñan kwelok eo ak jab, ak ejelok kajitõk bwe ro uan family eo am renaj keini ami koba ibben ro jeim im jatim?
5 Etke kwoj jab jijet ibben ro uan family eo am im ilo jar lemnak kin joñan am bed ilo kwelok ko? Inem kajimwe schedule eo am bwe kwon kõmman men in. Ekkeini ad bed ilo kwelok ko ej mõttan wãwen katak ko ad eaorõk im jej aikwij kalaplok joñan ad kaorõke.