Men eo Eaorõktata ear Walok
1 Jemen Jesus ear jilkintok E ñan lal ñan kwalok kin mol eo im enaj tellok kij ñan mour indio. (Jon 18:37) Tiljek eo an ñan mij ear bõktok nebar ñan Jehovah, kokwojarjar etan Anij, im lelok wõnãn binmour eo. (Jon 17:4, 6) Men in ear kõmman bwe mij eo an Jesus en men eo eaorõktata ear walok ilo bwebwenato in armij.
2 Jen ien eo kar kõmanmõn Adam, kar wõr ruo wõt armij ro rewãppen im rar jokwe ion lal in. Adam ear maroñ bõktok jerammõn ko raibujuij ñan ro nejin rejañin kar lotak. Jen men in, ilo kibbon ear jumae, im liakelok ir ñan juõn mour im enaj jemlok ilo mij. Ke Jesus ear itok, ear kwalok tiljek im bokake ilo juõn wãwen ewãppen, im kabellok ial eo ñan bõk mour indio ñan ro otemjej rej jerbale tõmak.—Jon 3:16; Dri Rom 5:12.
3 Ejelok bar juõn men ear walok emaroñ keidi ñan katok in mij eo an Jesus. Ear ukõt ial in bwebwenato in armij. Ear letok bedbed eo ñan kajerkakbiji elõñ billion armij ro jen ro remij. Ear likit bedbed eo kin juõn Ailiñ ej indio im enaj bõktok jemlok ñan nana im kõmman bwe lal in en juõn paradise. Eliktata enaj kanemkwoj armij otemjej jen jabdewõt wãwen ijjibed im kamakoko.—Sam Ko 37:11; Jerbal 24:15; Dri Rom 8:21, 22.
4 Men kein aolep rej jibañ kij ñan kamolol kin etke Jesus ear kaiñ ri kalor ro an ñan kememe mij eo an ilo ien eo rej kememe Kwojkwoj in Kejota eo kajjojo yiõ. (Luk 22:19) Ilo kamolol kin aorõkin ien in, jej reimanlok ñan kweloklok ibben congregation ko an Ri Kennan ro an Jehovah ibelakin lal elikin tulok in al ilo Thursday, April 1. Mokta jen ien in, enaj emõn ñan read ibben don einwõt juõn family bwebwenato ko ilo Bible kin ran ko eliktata in mour eo an Jesus ion lal im jutak eo an eberan kin mol eo. (Eon ko rej rejañ kaki rej bed ilo 1999 Calendar eo ad, March 27-April 1.) Ear likit juõn joñok ñan kij kin tiljek ñan Ri Kõmanmõn eo Ad. (1 Pit. 2:21) Jen kõmman joñan wõt ad maroñ ñan kirtok ro jerad im ro ilo family ko ad, im bareinwõt ro rej katak Bible ibbed im ro jet rej itoklimo, ñan kwelok in eaorõk. Kameleleik ir mokta kin ta eo enaj walok im aorõkin bread im wine eo.—1 Kor. 11:23-26.
5 Yiõ eo lok, joñan in 13,896,312 rar bed ilo kwelok in ibelakin lal ñan kememe men eo eaorõktata ear walok. Kinke ran in ej ran eo eaorõktata ilo calendar eo ad, kij aolep jen bed ilo kwelok eo.