Mõnõnõ in Lelok Kij Make
1 Ri jeje psalm David ear kanan bwe armij ro an Jehovah “rej mõnõnõ im lewoj ir make”; eñin melelen, einwõt “ro rej lelok ir make ilo mõkaj.” (Sam 110:3, footnote) Men in emol an jejjet kitien ibwiljin doulul in jimjen jimjatin ibelakin lõl. Ilo kajojo yiõ in jerbal ko emen rej kab mõtlok, armij ro an Jehovah rar kajerbal elõñlok jen juõn billion awa ko ñõn kajededlok news eo emõn kin Ailiñ eo. Im ewor elõñ wãwen ko, ijellokin kwalok nan im jerbal in kõmmõn ri kalor ro, ijo jemaroñ lelok kij make ñõn jibañ armij ro jet.
2 Wãwen ko Jemaroñ Kwalok Ad Mõnõnõ: Jet ilo congregation eo remaroñ aikwiji jibañ ñõn itok ñõn kwelok ko. Etke kwoj jab ba bwe kwoj mõnõnõ in bõk ir ibbõm? Ro jet remaroñ nañinmij, mõjno, ak bed ilo hospital. Kwomaroñ ke lolok ir ak lelok jibañ ilo jet wãwen ko? Emaroñ wor juõn armij ak juõn family me ej aikwiji nan in rejañ. Kwar lemnak ke in kirtok armij rot rein ñõn jijet jet ien ibben family eo am? Juõn pioneer ak juõn publisher emaroñ aikwij juõn mõttan ilo jerbal in kwalok nan. Etke kwoj jab ba bwe kwoj mõnõnõ in jerbal ibbeir? Men kein rej jet wãwen ko jemaroñ lelok kij make ilo mõnõnõ ñõn jerbale emõn ñõn ro rej bed ilo nukin tõmak.—Gal. 6:10.
3 Brother ro remaroñ kwalok air mõnõnõ bwe dolul eo an Jehovah en kajerbal ir ilo air jibadõk air tõbare mejenkajjik ko ñõn elder ak ministerial servant ro. (1 Tim. 3:2-10, 12, 13; Titus 1:5-9) Ñe jej wõnmanlok im orlok, ewor juõn aikwij kin brother ro rej tellokiir me rej mõnõnõ in lolorjake jerbal in kwalok nan im katakin im shepherde congregation eo.—1 Tim. 3:1.
4 Bõlen jet iad jemaroñ kalaplok ad lelok kij make ilo jerbal eo an Jehovah ilo ad deloñ ilo jerbal in auxiliary pioneer jen ien ñõn ien. Bareinwõt, kin jet oktak ko ilo schedule ko ad, bõlen jenaj maroñ wõnmanlok im auxiliary pioneer alliñ ko otemjej ak meñe bõk jerbal in regular pioneer. Wãwen ko ibbed remaroñ ke kamaroñ kij bwe jen emakit ñõn juõn jikin elaplok air aikwiji jibañ. Jemaroñ ke lelok kij make ñõn jerbal ilo Bethel im ilo wãwen in jerbal ilo kajju ñõn kowõnmanlok jerbal eo ibelakin lõl? Elõñ men ko rej bareinwõt kõmmõni ñõn kalek Kingdom Hall ko, Assembly Hall ko, im imõn ra ko ibelakin lõl, ijo ewor juõn aikwij elap kin ri jerbal ro rej mõnõnõ in jerbal. Elap ad kamolol kin ro rej mõnõnõ in lelok ir make ilo jerbal kein remõn, im rar bõk jerammõn ko relap!—Luke 6:38.
5 Ien kein rej ien ko rekabwilõñlõñ. Jehovah, ikijen jitõb eo an, ej kõtõbrak juõn jerbal emõn ion lõl ikijen armij ro an remõnõnõ! Jabdewõt ien ñe Jehovah, ikijen dolul eo an, ej kirtok armij ñõn bõk kwunair ilo jerbal ko relaplok kin Ailiñ eo, enaj emõn ñõn ad kajitõkin kij make, ‘Ij mõnõnõ wõt ke in lelok ña make?’ Inem ilo jar jen etale buruer im wãwen ko ibbed. Tiljek eo ad ekwojarjar enaj kamakit kij ñõn kõmmõn joñan eo jemaroñ ilo jerbal eo ekwojarjar, im ilo wãwen in kamõnõnõik buruen Jehovah!—Zeph. 3:17.