Lõñliñ Kin Laplok eo Me Anij ej Letoke
1 Christian ro ilo ebeben eo kein kajuõn kar ri kwalok kin Ailiñ eo rekijejeto. Rar lõñliñ ke ‘orair e orlok ran otemjej.’ (Jerbal 16:5) Kwalok nan eo air eberan ear jededlok ilo Asia, Europe, im Africa, im walok ilo tokjen eo kin juõn jonikõn elap kin ri tõmak ro.
2 Jesus ear kanan bwe ilo ran ko eliktata, jerbal in kwalok nan eo enaj tõbar ‘i aolepen lõl in im ñõn aolep ailiñ ko! (Mat. 24:14) Ilo 1996 yiõ in jerbal eo, kim ar wõnmanlok im bõk report ko kin laplok ko rekabwilõñlõñ im laplok ko rekãl kin ri kwalok ro jen ene ko ibelakin lõl in. Elõñ congregation ko rekãl kar kajutaki. Eddeklok in emõkaj ear kõmmõn bwe en juõn men in aikwij ñõn kalek elõñ buki Kingdom Hall im Assembly Hall ko rekãl im bareinwõt ñõn kalaplok elõñ imõn ra ko.
3 Ad Jerbal Ñõn Ailiñ Eo ilo December 1996 ear report kin jerbal in ekal eo elap me ej walok ilo Africa. Ejja kain jerbal eo wõt ej walok ilo ailiñ ko ilo Latin America. Kin yiõ in jerbal eo ilo 1996, Mexico ear report kin juõn laplok ekabwilõñlõñ kin 470,098 ri kwalok ro im joñan Bible study ko einwõt 600,751, me ej kõmmõn aikwij eo ñõn kajutak 466 congregation ko rekãl! Laplok eo kin moko ilo ra eo air rej karõk ñõn kadedeloke ilo jemlokin lok 1999. Ejja kain eddeklok rot in ilo ailiñ ko jet ejjab kamelim air kadiklok jerbal in ekal ko rej theocratic me reoktak jen don.
4 Wõnãn jerbal in ekal ej lap ilo aolep jikin ko, im ro jeid im jatid ilo elõñ ailiñ ko ejjab lap air maroñ jabawot. Bõtab, kin kijejeto eo air elap kin jerbal eo an Jehovah, emol rej rittolok ilo jitõb im rej orlok wõt. Jabõn Kennan 28:27 ej kamol ñõn kij bwe “eo ej lelok ñõn ro dri jeramel, e jamin aikwij.” Mõnõnõ eo ad ñõn jibañ kabwe wõnãn jerbal in ekal eo ej walok ilo juõn “jokkin wõt juõn” kin mweiuk ko, im kamaroñ aolep ñõn lo mõnõnõ eo ej itok jen lelok im lõñliñ eo ej itok jen ad lo laplok eo me Jehovah ej letok!—2 Kor. 8:14, 15; Jerbal 20:35.
[Pija eo ilo peij 4,5]
Ra eo ilo Paraguay
[Pija eo ilo peij 4]
Ra eo ilo Ecuador
[Pija eo ilo peij 4,5]
Mweo ekãl ilo Ra eo ilo Mexico me rej kaleke
[Pija eo ilo peij 4,5]
Ra eo ilo Dominican Republic
[Pija eo ilo peij 4]
Ra eo ilo Brazil koba Mweo ekãl
[Pija eo ilo peij 4,5]
Ra eo ilo Uruguay me rej kaleke
[Pija eo ilo peij 5]
Ejja kain Kingdom Hall ko edik wõnair ilo Latin America
1. Brazil
2. Nicaragua
3. Chile
4. Colombia
5. Mexico
6. Brazil
7. Peru
8. Venezuela
9. Mexico