Kwõmaroñ Ke Lel̦o̦k Iien im Maroñ ko Am̦?

Ãinwõt an kar Aiseia kanaan kake, jej lo juon joñan l̦apl̦o̦k ak eddekl̦o̦k eo ekanooj l̦ap ilo m̦õttan doulul eo an Jeova ijin ioon lal̦. (Ais 54:2) Men in ekõm̦m̦an bwe jen aikuj kalõk Im̦õn Kweilo̦k ko rekããl, Jikin Kweilo̦k ko Rel̦l̦ap, im ra ko. Ãlikin aer kalõk m̦õkein, kain em̦ rot kein renaaj aikuj kõm̦m̦ani jerbal dikdik ko ak jerbal ko jet ñan kõjparoki, im ewõr iien nãj aikuj bar kõkããl jet iaaer. Innem ta jeraam̦m̦an ko wãween in ekõpel̦l̦o̦k ñan ad maroñ lel̦o̦k iien im maroñ ko ad ñan Jeova?

• Jemaroñ bõk kun̦aad ñe kar karõk bwe kumi in kwal̦o̦k naan eo jej pãd ie en karreoik Im̦õn Kweilo̦k eo

• Jemaroñ kwal̦o̦k ad m̦õn̦õn̦õ in bõk kamminene ko ñan ekkatak kilen kõm̦m̦ani jerbal ko ñan lale im kõjparok Im̦õn Kweilo̦k eo

• Jemaroñ kanne Local Design/​Construction Volunteer Application (DC-50) eo ñan jipañ ilo ekkal ak jipañ ilo jerbal ko jet ñan kõjparok Im̦õn Kweilo̦k kein ilo ijoko repaak ñan jikin eo jej jokwe ie

• Jemaroñ kanne Application for Volunteer Program (A-19) eo im kwal̦o̦k bwe jekõn̦aan jipañ ium̦win juon wiik ak elõñl̦o̦k ilo jikin ko rej pãd ium̦win ra eo jej pãd ie, emaroñ ilo Betel̦ ak bar juon iaan ra ko

ALWÕJE PIJA EO ETAN, A NEW CONSTRUCTION PROJECT IS BEING PLANNED​—EXCERPT, INNEM UWAAKI KAJJITÕK KEIN TOK ITULAL̦:

• Ta wãween eo elukkuun l̦apl̦o̦k ilo ad kõjerbal pija ko jãn kar 2014 eo?

• Kõn an l̦apl̦o̦k wõt aikuj eo ñan kõm̦m̦ani pija ko, ta bũrojããk ak men eo rej pepe in kõm̦m̦ane, im naaj ewi aetokan?

• Ewi wãween an ro rem̦õn̦õn̦õ in jipañ maroñ jipañ ilo bũrojããk in?

• El̦aññe jekõn̦aan jipañ ilo nãj jerbalin ekkal eo ilo Ramapo, etke jej aikuj kanne juon application (DC-50) im jipañ ilo Local Design/​Construction bũrojããk ko ak jerbalin ekkal ko ilo ijoko repaake ijo jej jokwe ie?

• Ta eo ear kam̦ool m̦aantak bwe Jeova ej “tõl” bũrojããk in?

• Ewi wãween ad maroñ rejetake bũrojããk in meñe jejjab maroñ make jipañ ilo jerbalin ekkal?