Jerbal in Ekkal Kingdom Hall —Juõn Mõttan Eaorõk ilo Jerbal eo Ekwojarjar
1. Ta tõbrak eo kar kõmmane kin jerbal in ekkal Kingdom Hall, ak ta eo jej aikwiji wõt?
1 Iumin lalem yiõ ko remotlok, kar kalek 633 Kingdom Hall ko, 1,193 kar kõkãli, im 1,785 kar kõmmani jorrãn ko ie ilo United States branch territory eo. Kimij lukkun kamolol kin jerbal ko relap an Regional Building Committee eo im aolep ro rar jibañ ir. Meñe ear lukkun lap tõbrak ko kar kõmmani, ej lõñ wõt jerbal ko jej aikwij kõmmani ilo jerbal in ekkal Kingdom Hall. Ewi wãwen kij aolep jemaroñ jibañ ilo jerbal in eaorõk me ej mõttan jerbal eo ad ekwojarjar ñan Jehovah?—Rev. 7:15.
2. Ewi wãwen ad maroñ jibañ jerbal in ekkal Kingdom Hall eo?
2 Kwon Mõnõnõ: Elañe kwoj juõn ri kwalok emwij an baptaise, kimij kir yuk ñan am bõk kunam ilo am jerbal ibben Regional Building Committee eo ikijen am kanne juõn Kingdom Hall Volunteer Worker Questionnaire. (Sam Ko 110:3) Aolep ro remõnõnõ in bõk kunair rej aikwij ri jerbal ro remõnõnõ im ej aikwij wõr juõn jitõbõn karejar ibbeir. (Sam Ko 133:1) Meñe ejelok am jelã kin jerbal in ekkal, kwoj maroñ wõt jibañ ilo juõn wãwen elap ilo wõnmanlok eo an jerbal in ekkal eo. Kwomaroñ bareinwõt bõk kaminene eo enaj kamaroñ yuk ñan bõk jerbal ko relaplok ilo ilju im jeklaj.
3. Ilo wãwen et ko jet jemaroñ kwalok ad rejetake karõk in?
3 Elañe kwojjab maroñ bõk eddo eo ñan jibañ, kwomaroñ kwalok am rejetake ilo am rejañ ro jet me remaroñ bõk kunair ilo karõk eo. Kwomaroñ jibañ ilo am bõk kunam ñan kõmmani katak ko an ro ilo congregation eo me rar etal in jibañ ilo jerbal in ekkal eo. Ilo am kõmman bebe ko lok iman, elder ro remaroñ lale bwe congregation eo en kwon wõt im en bwe aikwij ko an elañe jet rej jerbal ilo jerbal in ekkal Kingdom Hall eo. Ejelok bere, Jehovah ej mõnõnõ ñe jej jerbal ibben don aerã ñan aerã kin wõnmanlok eo an Ailiñ eo.—Hib. 13:16.
4. Ewi wãwen ad maroñ kõketak ro me rej bõk kunair ilo jerbal in ekkal Kingdom Hall ko?
4 Kwon Kõketak: Kalek jikin kabuñ ko ej kitibuj elap ien im ej juõn jerbal elap. Alikar bwe, ro kar kir ir ñan air bõk kunair ilo jerbal in ekkal ko elõñ ien renaj jako jen congregation ko air. Jej aikwij in mõkaj ñan lelok nebar im kamolol ñan ri ekkal rein me rej mõnõnõ in bõk eddo in, ilo air lelok ir make ñan “jerbal in.”—Jerb. 6:3; Rom. 14:19.
5. Ewi wãwen ri jerbal in ekkal ro remaroñ kwalok jokkin wõt juõn?
5 En Jokkin wõt Juõn: Kwalok kin Ailiñ eo an Anij ej jerbal eo moktata ilo mour eo an Christian. (Mark 13:10) Kin men in, Regional Building Committee ko rej kajeoñ in kõmman lajrak kin ekkal ko bwe ro rej mõnõnõ in bõk kunair ñan jibañ ren jab aikwij jako jen congregation ko air elañe ejjab menin aikwij. Eindein, ri jerbal in ekkal ro ren kajeoñ in kwalok jokkin wõt juõn ilo air kejbãrok eddo ko air relõñ. Rej kõmman karõk ko rekkar ñan lale bwe men ko kunair ilo congregation eo air ren bojak im dedelok ñe renaj jako.
6. Ta eo enaj tõbrak ñe aolep ro ilo congregation eo renaj jerbal ibben don ñan kowõnmanlok kabuñ eo emol?
6 Ri jilek Paul ear kamelele kin ro uan congregation eo einwõt ro rej jerbal ibben don ilo burukuk “ekar ñõn an jabrewõt mõtõn jerbale ilo joñõn emõn ej laplok enbwin ñõn an mõke kalek e ilo yokwe.” (Ep. 4:16) Yokwe eo ad ñan Jehovah im ñan kabuñ eo emol ej kamakit kij ñan ad jerbal ibben don ñan kwalok kin news eo emõn im ñan jibañ ilo jerbal in ekkal Kingdom Hall.