“Kwalok Am Kamolol”
1 Enañin kij aolep kar katakin kij ke jaar ajiri ñõn ba “joij” im “komol” ñe juõn armij ear kwalok joij ñõn kij. Paul ear kakabilek kij bwe ilo ien otemjej komin ‘kwalok ami kamolol’ im elaptata jej aikwij kamolol Jehovah. (Kol. 3:15, 16 NW) Ak ewi wãwen jemaroñ kwalok ad kamolol ñõn Ri Kõmõnmõn eo ad Elap? Im ta un ko relap ewor ibbed ñõn kamolol e?
2 Ri jilek Paul ear je: “A kamolol Anij, eo Ej letok ñõn kij anjo kin ar Iroij Jisõs Kraist!” (1 Kor. 15:57) Ilo ien Kwojkwoj in Kijota ilo kajjojo yiõ, rej kakememej kij kin yokwe eo ejelok joñan me Anij im Christ jimor rar kwaloke ke rar letok binmour eo me ej letok ñõn kij kejatdikdik eo kin mour indio. (John 3:16) Kinke enañin kij aolep jaar luji ro jitenburu ibbed ilo mij, jej lukkun kamolol kin kallimur eo an Jesus kin jerkakbiji eo! Buruer eobrak kin kamolol ñe jej lemnak kin kejatdikdik eo ñõn deor jen jemlokin jukjuk im bed in im jab aikwij mij. (John 11:25, 26) Ebin ñõn lo nan ko ñõn kwalok kamolol kin aolep jerammõn ko rekabwilõñlõñ jenaj loi jen pein Jehovah ilo Paradise eo ion lõl eo ej itok. (Rev. 21:4) Ta un ko remõnlok emaroñ wor ibben jabdewõt armij ñõn ‘kwalok an kamolol’ ñõn Anij?
3 Wãwen eo ñõn Kwalok Kamolol ñõn Anij: Ej ekkar ien otemjej ñõn kwalok ad kamolol ñõn Jehovah ilo jar kin lejokmen eo an. (Sam 136:1-3) Jej emakit, bareinwõt, ñõn kwalok ad kamolol ilo wãwen ko jet remõn. Ñõn wanjoñok, ñõn jibañ kabwe aikwij ko an congregation ilo bukwon eo im kin jerbal eo ibelakin lõl, jej mõnõnõ in ‘kaibujuij Jehovah kin mweid.’ (Jabõn Kennan 3:9) Jej rejtak elder ro im jerbal ibbeir, im ilo wãwen in jej kwalok ad kamolol ñõn Jehovah kin jibañ eo ej letok ikijen ir. (1 Tes. 5:12, 13) Ran otemjej, jej kate wõt kij ñõn kejbarok mwilid me ej kaibujuij etan Anij. (1 Pet. 2:12) Jehovah ej mõnõnõ kin men in kamol kein kin kamolol eo ad.—1 Tes. 5:18.
4 Wãwen eo Emõntata ñõn Kwalok Kamolol eo Ad: Ilo ad bõk kwunad kin aolepen buruer ilo jerbal in kwalok nan kin Ailiñ eo, kwalok ad kamolol ilo jar, im ilo tiljek jojomare mol eo rej ian wãwen ko remõntata ñõn kwalok ad kamolol jen buruer me jemaroñ kõmmõni ñõn ri Kõmõnmõn eo ad kin aolep men ko ear kõmmõni ñõn kij. Jehovah ej mõnõnõ in lo ad lelok ñõn e jerbal ko rekwojarjar ñõn rejtak ankil an ñõn “lomoren armij otemjej.” (1 Tim. 2:3, 4) Eñin unin elõñ ri kwalok ro me remaroñ karõke rej uak kir eo me ear walok ilo Ad Jerbal Ñõn Ailiñ Eo ilo March ñõn kadeloñ etair einwõt auxiliary pioneer ro ilo April im/ak May. Kõmmõn juõn jibadbad elaplok ilo jerbal in kwalok nan ej juõn wãwen emõn ñõn ‘kwalok ad kamolol’ ñõn Anij. Kwonaj maroñ ke koba ilo jerbal in pioneer ilo alliñ in April? ilo May?
5 Kar letok ñõn kij juõn kejatdikdik ebin kin mour ñõn indio. Ñe jej lo an jejjet kitien, enaj wor ibbed un ko relaplok ñõn wõnmanlok im lelok kamolol ñõn Jehovah.—Sam 79:13.