“Kwon Kalek Mweo Imõm”

¹ Ealikar, ilo aolep jukjuk im bed ko ibelakin lõl, mour in family ej jorrãnlok. Lõl eo an Satan ej ñiãjo ilo ankiliriap im mour in lũñ. (1 John 5:19) Men in ej kalikar aikwij eo ñõn ad ‘kalek mweo imwõd’ im ñõn katakin ro jet kin ewi wãwen remaroñ kõmmõn eindein ñõn family ko air.​—Jabõn Kennan 24:3, 27.

² Nan in Kakabilek ko ilo Bible Rej juõn Kein Kejbarok: Men in ittino ak key eo ñõn mõnõnõ in family eo emol jej loe ilo ad jerbale nan in kakabilek ko ilo Bible. Mol kein rekajur ewor tokjen ñõn kajojo uan family eo ilo aolep wãwen mour. Family eo ej jerbali enaj mõnõnõ im naj lõñliñ kin ainemõn eo ekwojarjar.​—Keiri Isaiah 32:17, 18.

³ Nan in kakabilek ko me remaroñ jibañ kij kalek mweo imwõd rej kalãjrake ilo kadu ilo book eo, Kõmõn Bwe Am Mour in Famili eo En Le Mõnõnõ. Kajojo katak ej kalikar nan in kakabilek ko me ro uan family eo rej aikwij kememeji. Kajitõk ko itu-lõl in kajojo peij rej jibañ kalikar aorõkin nan in kakabilek ko ilo Bible. Men in ej jitõñlok ñõn lemnak ko an Anij bwe jen bõk lemnak eo An kin katak eo jej etale.​—Ais. 48:17.

⁴ Kwon jiniete book eo. Katak ñõn bukõt nan in kakabilek ko me remaroñ jibañ ñe abañ ko rej walok. Book eo ej etale katak ko einwõt men kein: ta eo juõn armij ej aikwij bukõte ñe ej lemnak kin juõn armij ej lemnak in mare (katak 2), ta key ko reaorõk rej kabellok kejam eo ñõn mõnõnõ kin mour in belele me etto an bed (katak 3), ta eo kwomaroñ kõmmõne ñe lukluk in belele rebojak in tũm (katak 6), ewi wãwen ro jemen im jinen remaroñ katakin jodikdik ro nejiir bwe ren ritto ro rej jela bõk eddo ko im mijak Anij (katak 9), wãwen eo ñõn kejbarok family eo jen kilan ko rej kokkure (katak 10), ta eo remaroñ kõmmõne ñõn kautiej ro jemeir im jineir re ritto (katak 12), im ewi wãwen remaroñ bõk juõn ilju ej indio kin family eo (katak 14).

⁵ Kortokjen Book eo Ekãl: Elañe kwo jañin kõmmõne, etke kwojjab katak book eo Mour in Famili ibben don einwõt juõn family? Bareinwõt, ñe family eo am ej jelmae abañ ak aitwerõk ko rekãl, elij katak ko ilo book eo me rej jerbal ñõn men kein, im ilo jar lemnak kin ewi wãwen kwomaroñ jerbale nan in kakabilek eo. Bareinwõt, jinoe ilo week in April 28, book eo Mour in Famili renaj katak kake ilo congregation book study.

⁶ Family ko me rej jerbale tiljek eo ekwojarjar naj kajurlok ilo jitõb im burukuk im naj bojak in jelmae jumae ko an Satan. (1 Tim. 4:7, 8; 1 Pet. 5:8, 9) Elap ad kamolol bwe ewor ibbed nan in jiroñ ko rekwojarjar jen Ri Unjen mour in family!