Jibañ Family ko ñõn Bõk juõn Ilju ej Indio
1 “Kibbon ewor tokjen,” juõn financier (juõn armij eo ekabel in jerbal ibben money) ear jiroñ juõn class eo ej kadiojlok jen college, im kobaiklok: “Kwomaroñ kibbon im emõn wõt am lemnak kin kwe make.” Eñin wãwen eo lõl in ej kowõnmanlok self-interest (lemnak kin emake) einwõt wãwen eo ñõn kabin ilju eo an. Ilo oktan, Jesus ear katakin bwe juõn Christian ej aikwij “mõke karmijete . . . bwe ekijkan kõkajuror armij, elañe ej jebarek aolepen lõl im e joko an?” (Mat. 16:24-26) Ñõn bõk juõn ilju ej indio, juõn armij ej aikwij kajerbal aolepen mour eo an ñõn kõmõnmõn ankil an Anij—mejenkajjik eo eaorõktata ñõn family ko rainin. (Sam 143:10; 1 Tim. 4:8) Ennan in ej walok ilo katak eo eliktata ilo book eo Kõmõn Bwe Am Mour in Famili En Le Mõnõnõ. Book in ekãl ej jibañ armij ñõn lo ta eo elukkun aorõk ilo mour im ewi wãwen remaroñ emmakit ilo wãwen eo ewor tokjen ñõn family ko air. Ñe jej wõnmanlok ñõn kwalok news eo emõn ijoko jabdewõt, ta eo jemaroñ ba me enaj rejañ ro jej iion ir ñõn readi book eo Mour in Famili? Ijin ej jet nan in rejañ ko:
2 Ilo kejam im iturin ial jimor, kwomaroñ kajeoñ in kajerbal tract eo “Mõnõnõ kin Mour in Family” ñõn jino bwebwenato ko. Kwomaroñ kajitõk:
◼ “Kin aolep inebata ko me mour ilo ran kein rej bõktok ioir, kwoj eñjake ke bwe emaroñ wor juõn mour in family emol an mõnõnõ? [Kõtlok an uak.] Tract in ej kamol ñõn kij bwe emaroñ. Kwo kõnan ke readi?” Elañe rej bõke, kwomaroñ wõnmanlok im ba: “Kinke kwoj itoklimo kin katak in, kwomaroñ bareinwõt mõnõnõ kin book in me ej letok nan in kakabilek ko ilo tibdikin kin ewi wãwen kwomaroñ lo mõnõnõ ilo dolul in family.” Kwalok kobban book eo Mour in Famili. Jitõñlok ñõn jet unin tel in katak ko rekaitoktoklimo. Eliklok ñõn peij 8, im konono paragraph 9 im 10. Lelok book eo, im jiroñ e kin lãjrak in jabawot. Kameleleik e bwe ewor men ko jet kwo kõnan kamao ibben kaki, im kajitõk ñãt kwomaroñ bar lolok e.
3 Kwomaroñ wõnmanlok ilo bwebwenato eo am mokta kin mour in family elemõnõnõ ilo am ba:
◼ “I kõnan kwalok juõn men ilo book eo kwar bõke me ij lemnak kwonaj kamolol kake. Chapter eo eliktata ej kalimjeklok men in ittino ak key eo emol kin mõnõnõ ilo mour in family. [Kwalok point ko jen paragraph 8 im 9 ilo peij 184-5.] Lale bwe jerbal ibben don ñõn kõmõnmõn ankil an Anij ej key eo. Kimij rejañ bwe family ko ren katak Bible ibben don ñõn katak kin ta eo ej ankil an Anij im ewi wãwen jerbali ilo family eo. Kimij tilmaake juõn katak kin Bible ilo ejelok wõnãn me ej bõk jet wõt alliñ ko ñõn kadedeloke. Elañe kwoj kõtlok iõ, Inaj kwalok ñõn kwe kilen kõmmõne.” Jeblak kin brochure eo Ta Eo Anij Ekõnan Bwe Jen Kõmmõne? ak book eo Mour Indrio, jabdewõt eo enaj ekkar.
4 Ñe kwoj bwebwenato ibben ri school ro mõttam ak ñõn jodikdik ro ilo territory eo, kwomaroñ bõk juõn uak ñõn kajitõk in:
◼ “Ewi joñan aorõkin an ro jemen im jinen im ajiri ro nejiir aikwij kõmmõn bwe line in communicate en bellok ibben don? [Kõtlok an uak.] Lale ta eo book in kin mour in family ej ba kin katak in ‘Kejbarok Bwe En Bellok Wõt Ial in Komunikesõn Ko.’ [Konono paragraph 1 im 2 ilo peij 146 ilo book eo Mour in Famili.] Paragraph ko tok rej letok nan in rejañ ko rekeie kin ewi wãwen jemaroñ kakõmõnmõnlok communicate iloan juõn family. Book in ej naetan Kõmõn Bwe Am Mour in Famili En Le Mõnõnõ. Elañe kwo kõnan readi im kwoj kallimur bwe kwonaj kõmmõn eindein, kwomaroñ bõk copy in.” Kamelele bwe kwonaj bar jeblak tokelik ñõn bõk lemnak ko an kin ta eo ear readi.
5 Kwomaroñ kalek bwebwenato eo am mokta ibben juõn jodikdik kin communicate ikõtan jemen im jinen im ajiri ro ilo am ba men in:
◼ “Iar kamolol kin itoklimo eo kwar kwaloke ilo aorõkin communicate emõn iloan family eo am. Ta eo kwonaj ba ej katak eo eaorõktata me jemen im jinen im ajiri ro rej aikwij bwebwenato kake?” Kõtlok an uak. Inem eliklok ñõn peij 160 ilo book eo Mour in Famili, im konono uak eo me jemaroñ loe ilo paragraph 29. “An wor juõn am katak kin Bible ilo kajjojo week ej wãwen eo emõntata ñõn bõk jelalokjen kin Anij.” Lelok brochure eo Ta Eo Anij Ekõnan Bwe Jen Kõmmõne? Kamelele bwe katak ko 16 rej letok juõn bedbed in lãjrak kin ennan eo an Bible eo. Konono nan in jino eo ilo peij 2, inem etale katak eo kein kajuõn ibben don.
6 Elañe kwoj iion juõn jemen ak jinen ilo jerbal eo jen em-ñõn-em, ak bõlen ilo juõn jikin kallip ak juõn jikin ikkure, kwomaroñ kaitoklimoen ilo am ba:
◼ “Ij jela bwe kwonaj errã bwe kakajiriri ajiri ro ilo ran kein ej juõn aitwerõk elap. Ta eo kwoj lemnak enaj kejbarok family eo am jen kilan ko renana. [Kõtlok an uak.] Ijin ej jet nan in jiroñ ko iar kamolol kake.” Kamelele kin wanjoñok eo ilo paragraph 29 inem konono paragraph 28 ilo peij 112 ilo book eo Mour in Famili. Kamelele kin ewi wãwen ej letok tel eo ejokkin wõt juõn me ebolemen ñõn kejbarok family ko jen kilan ko rej kokkure. Ba bwe kwoj mõnõnõ in door juõn copy, im bwe kwoj mõnõnõ in uak jabdewõt kajitõk ko me emaroñ walok.
7 Ilo lolok eo am kein karuo ibben jemen ak jinen eo ear bõk book eo “Mour in Famili,” kwomaroñ wõnmanlok ilo bwebwenato eo am ilo wãwen in:
◼ “Ke jaar iion don, Iar maroñ lo bwe emol am kea kake ajiro ro nejõm im bwe kwo kõnan kõmmõn joñan wõt am maroñ ñõn kejbarok ir jen kilan ko rebwid. Bõlen kwo jañin readi ak ewor juõn kamelele eaorõk ej walok ilo book eo iar likiti ibbõm me kwoj aikwij loe. [Konono paragraph 12 ilo peij 119.] Kaddek juõn kõtan ibben Anij ej aikwiji ad jela kake e ikijen peij ko ilo Nan eo an emwij jeje, Bible eo. Kwo kõnan ke bwe in kwalok kilen kimij katak Bible einwõt juõn family?”
8 Ri kakabilek ro ilo lõl in rejjab maroñ kwalok ñõn family ko ial eo ñõn lo mõnõnõ ak renaj kõmmõn bwe en rup burueir. Jen kalaplok ad kajededlok book eo Mour in Famili bwe armij ro ijoko otemjej remaroñ bõk jibañ jen Nan eo an Anij ñõn bõk juõn ilju ej indio.—1 Tim. 6:19.