Lelok Book in Mour in Famili ñan Armij Otemjej
1 Juõn kõrã jen Indiana, U.S.A. ear kwalok an kamolol kin book eo Kõmõn Bwe Am Mour in Famili En Le Mõnõnõ. Ear je: “Ikõnan nebar yuk kin book in eaibujuij. Emõn wãwen kar je im ebidodo melele kake, im jodikdik ro im ritto ro bareinwõt renaj bõk tokjen jen air readi. Ikõnan bõk copy ko jet im leloki ñan ro mõtta, im ikõnan bareinwõt kajerbal book in einwõt men in lelok ko ñan limaro rej bojak in mare.” Experience in en rejañ kij bwe jen lelok book in Mour in Famili ñan armij otemjej. Ijin ej jet nan in rejañ kin ennan ko kwomaroñ kõnan kajerbali ilo am jerbal in kwalok nan ilo March.
2 Ñe kwoj iion juõn jodikdik, kwomaroñ ba:
◼ “Elõñ ro im dettair wõt kwe rej lemnak kin belele. Ak ia eo kwomaroñ lo melele ko kin men in? [Kõtlok an uak.] Jodikdik ro ekkã air ba bwe rejaje elañe rej bojak in belele. Ikõnan kwalok ñan yuk ta eo book in ej ba kin men in.” Elõklok ñan katak 2 ilo book eo Mour in Famili, eo ej kamelele kin aorõkin an wõr juõn bedbed ekajur ilo mour in belele. Jitõñlok ñan kajjojo unin tel ko redik ilo katak eo. Lelok book eo, im kõmman karõk ñan bar jeblak.
3 Ñe kwoj konono ibben juõn jemen ak juõn jinen, kwomaroñ ba:
◼ “Kimij jaketo-jaketak ibben ro jemen im jinen jet nan in tel ko rekeie ñan kakajiririk ajiri ro. Emwij likiti ilo book in Kõmõn Bwe Am Mour in Famili En Le Mõnõnõ.” Elõklok ñan peij 115, im konono paragraph 5. Elikin, konono Duteronomi 6:6, 7, eo emwij je nan ko ilo paragraph 13 ilo peij 120. Wõnmanlok ilo am ba: “Book in ear jibañ elõñ ñan lo tõbrak einwõt ro jemen im jinen. Elañe kwo kõnan readi, inaj mõnõnõ in lewõj copy in.”
4 Ñe kwoj konono ibben juõn armij eritto, kwomaroñ ba:
◼ “Elikin aõ read nan kein rekadu, joij im kwalok lemnak eo am.” Kabellok book eo Mour in Famili ñan peij 171, im konono paragraph 2. Inem kajitõk ta uak eo an. Ekkar ñan uak eo an, kwomaroñ read nan ko jet jen book eo mokta jen kwoj leloke.
5 Ñe kwoj bar jeblak ibben ro kwar lelok book eo Mour in Famili ñan ir, lemnak in jino juõn Bible study. Katak 8 ilo Jen Kõmmõne brochure eo ak katak 15 ilo book in Knowledge emaroñ jejjet ñan jinoe. Ilo kõtan ien in, jen kate kij in jibañ armij otemjej ñan kalek juõn mour in family in Christian elemõnõnõ.