Jelalokjen Jen Anij Ej Uak Elõñ Kajitõk Ko
1 Mokta jen kwar bõk jelalokjen eo ejejjet kin mol eo, alikar ear wor elõñ kajitõk ko kin mour kwar jab maroñ uaki. Elap am kar mõnõnõ ke kwar bõk uak ko ilo Bible ñõn kajitõk kein! Kiõ ewor am maroñ ñõn jibañ ro jet lo ejja uak kein wõt. (Keiri 2 Timothy 2:2.) Kwomaroñ jake jibwil ibbeir jelalokjen eo an Anij me ej tellok ñõn mour indio. (John 17:3) Ak ewi wãwen kwomaroñ jibañ juõn armij kamolol kin aorõkin jelalokjen in? Eokwe, lemnak kin kajitõk ko me mol eo ear uaki ñõn yuk. Ta eo ro rej bukõt mol eo rekõnan jela kake? Am lemnak kin men kein remaroñ jibañ yuk ñõn lelok book eo Kwo Maroñ Mour Indrio ilo Paradise ion Lõl. Nan in rejañ kein tok remaroñ jibañ yuk ñe kwoj kabojak ñõn kwalok nan ilo July.
2 Kinke elõñ armij rej lemnak kin etke ej lõñ iñtan ko ilo lõl in, ennan in emaroñ bõk juõn uak emõn:
◼ “Ñe ej walok juõn jorrãn ak ñe kowaroñ im nana rej laplok, elõñ armij ekkã air kajitõk kin etke men kein renana rej walok. Ta naj uak eo am?” Kõtlok im kamolol e kin uak eo an. Inem eliklok ñõn katak 11 ilo book eo Mour Indrio, im jitõñlok ñõn ta eo ej ba ilo paragraph eo moktata. Kameleleik e bwe book in ej kwalok kin ta eo Bible ej ba ikijen etke men ko renana rej walok, im ba: “Elañe kwoj kallimur in readi, I naj mõnõnõ in door copy in ibbõm.” Elañe rej bõk book eo, kamelele kin lãjrak in jabawot eo.
3 Ñe kwoj bar jeblak ñõn eo kwar lelok book eo “Mour Indrio,” kwomaroñ ba:
◼ “Ij itoklimo ilo jemlok eo am kin etke ej lõñ iñtan ko ilo lõl in. Kwoj errã ke ibben uak eo ilo Bible einwõt book in ej kalãjrake? Kõtlok an uak. Konono paragraph 2 ilo peij 99 ilo book eo Mour Indrio, im ba bwe kwoj mõnõnõ in read Rome 9:14 jen Bible eo an ri mweo make. Inem ba: “News eo emõn ej bwe Anij ejjab kaiñtan kij. Ear kallimur in letok ñõn kij mour indio ilo ainemõn im mõnõnõ. Chapter eo mokta ilo book in ej naetan ‘Mour Indrio Jab juõn Ettõnak Wõt.’ I kõnan kamelele kin ewi wãwen men in emaroñ mol ñõn kwe im ro jitenburu ibbõm.” Eliklok ñõn katak 1, im kõmmõn demonstration kin kilen ad katak. Etale paragraph ko joñan kwomaroñ ilo katak.
4 Kwomaroñ kãlet ñõn am kajerbal nan in jino eo me ej walok ilo peij 14 ilo book in “Reasoning (Kammanwa),” iumin unin tel eo “Rittolok/Mij”:
◼ “Kwo nañin kajitõk ke, ‘Mij ej jemlokin men otemjej ke? Ak ewor ke juõn men elikin mij?’ [Kõtlok an uak.] Bible eo ej uak jabdewõt kajitõk ko ewor ibbed kin mij. [Konono Ecclesiastes 9:5, 10.] Ej bareinwõt kwalok bwe ewor juõn kejatdikdik emol ñõn ro ewor air tõmak. [Eliklok ñõn peij 79 ilo book eo Mour Indrio; konono paragraph 10 im 11, inem kameleleik nan ko an Jesus ilo John 11:25.] Aolepen katak in ej uak kajitõk eo, Ta eo ej walok ilo mij? Elañe kwo kõnan readi, I maroñ door copy in ibbõm.” Kõtlok bwe ri mweo en wor juõn ien emõn ñõn kõmmõn juõn jabawot.
5 Ñe kwoj kõmmõn bar jeblak, kwomaroñ bar kwalok kajjem inem ba:
◼ “Mokta jaar bwebwenato kin ta eo ej walok ñe emij juõn armij. Elõñ armij rej tõmak bwe mour elikin mij enaj elañe jab ilõñ inem ilo hell (hades). Ak kwo nañin lemnak ke kin maroñ eo ñõn an ro remij bar mour ijin ion lõl? [Kõtlok an uak.] Ekkar ñõn Bible eo, ro renaj jerkakbiji renaj bed ibwiljin ro etã burueir me renaj jolit lõl. [Konono Psalm 37:11, 29, inem etale paragraph 11-13 ilo peij 170 ilo book eo Mour Indrio.] Kejatdikdik in ear kainemõn elõñ million armij ro rar mour iumin lelñoñ eo kin mij. Book in enaj jibañ yuk bwe en emõnlok am melele kin men in. I maroñ ke kwalok ewi wãwen?”
6 Elañe kwo kõnan juõn ennan ebidodo lok, kwomaroñ kajeoñ ennan in:
◼ “I kõnan kwalok ñõn yuk juõn pija ilo book in, Kwo Maroñ Mour Indrio ilo Paradise ion Lõl. Aibujuij ke pija in?” Kabellok book eo bwe ri mweo en maroñ lo peij 11. Kõtlok an uak. Inem konono paragraph 11 ilo peij 10. Kajemlok ilo am ba: “Kwo maroñ bõk book in ñõn am make read. Ejelok wõnãn book eo, ak kimij mõnõnõ in bõk jidik jabawot ñõn jerbal eo am ibelakin lõl.” Kajitõk kin ñãt enaj emõn ñõn bar jeblak.
7 Ewor ibbed jelalokjen eo jen Anij me ej uak aolep kajitõk ko reaorõk kin mour. En emõn am kabojak, im Jehovah enaj kajerammõn jibadbad ko am ñõn jaketo-jaketak jelalokjen in ibben ro rej bukõt mol eo.