Kejbãrok
Ennan ko Rej Rejañ Kaki ilo Jerbal in Kwalok Nan
Kajerbal ennan in rejañ kein ñan jibañ yuk keboje ennan ko me rej kwalok kin book in lelok eo ilo alliñ eo.
Mõnõnõ Kin Mour In Drio ion Lõl!
“Elõñ armij rej lemnak bwe rej aikwij etal ñan lañ ñan lañliñ kin mour indio, ak ta lemnak eo am kin mour indio ion lal? [Kõtlok an uak.] Bible eo ej kamol bwe jemaroñ mour indio, im ej jiroñ kij kin ewi wãwen jemaroñ tõbar mejenkajjik in.” [Konono Jon 17:3.] Kwalok pija 49 ñan ri mweo im ba, “Brochure in enaj jibañ yuk ñan kalaplok am jelã kin kejatdikdik eo ñan mour ibwiljin armij rein remõnõnõ im lañliñ kin mour indio ion lal.” Lelok brochure eo, im karõk ñan bar jeblak.
Ke kwoj kwalok aolepen pija eo jen kilen peij eo iman im ilik, kajitõk “Kwokõnan ke mour ilo juõn lal eobrak kin armij ro remõnõnõ einwõt in? [Kõtlok an uak.] Bible eo ej jiroñ kij bwe Anij ej yokwe armij im ekõnan bwe ren mour indio ilo mõnõnõ ion lal.” Eliklok ñan pija 49, im konono juõn ian eon ko rej kwalok kaki. Inem, jitõñlok ñan pija 50, im kamelele kin ta eo jej aikwij kõmmane elañe jekõnan mour ilo Paradise. Elañe ej bõk brochure eo, ba bwe kwoj mõnõnõ in bar jeblak im bwebwenato kin etke tõmak ilo Jesus Christ eaorõk ñan ro rekõnan mour ilo Paradise. (Pija 41 im 62.)
Keep on the Watch!
“Elõñ armij rej inebata kin abañ ko relap im men in kailbõk ko me ekkã air walok rainin. [Kwalok juõn wanjoñok rej jelã kake ilo bukwon eo.] Kwar jelã ke bwe men rot kein rej mõttan juõn kakõlle eo ej walok ibelakin lal me ej kwalok bwe mõttan jidik kien eo an Anij enaj bõk eddon makitkit ko ion lal? [Kõtlok an uak. Inem konono juõn eon ekkar, einwõt Matu 24:3, 7, 8; Luk 21:7, 10, 11; ak 2 Timote 3:1-5.] Brochure in ej bwebwenato kin etke elap an aorõk bwe jen ekkõl kin aorõkin men kein rej walok kiõ.”
Jelãlokjen Eo Ej Tellok ñan Mour Indio
“Elañe kar kirtok yuk ñan jokwe ibwiljin wãwen kein raibujuij, kwonaj kar mõnõnõ ke in bõke? [Kwalok pija eo ilo peij 4-5, im kõtlok an uak.] Lale ta eo Nan in Anij ej ba ej key eo ñan lañliñ kin mour rot in ñan indio. [Konono Jon 17:3.] Book in enaj jibañ yuk ñan bõk jelãlokjen eo ej tellok ñan mour indio.” Karõk ñan bwebwenato kin paragraph ko lalem jinoin ilo katak 1 ñe kwoj bar lolok.
Kabellok ñan pija eo ilo peij 188-9, im ilo am kajerbal nan ko iturin pija eo, kajitõk ibben ri mweo: “Kwoj kejatdikdik ke ñan mour ilo Paradise, ñe jelãlokjen eo kin Anij enaj kobrak lal? [Kõtlok an uak. Inem konono Aiseia 11:9.] Book in enaj jibañ yuk ñan katak kin ta eo Bible ej ba kin Paradise im ewi wãwen jemaroñ deloñ iloan.” Karõk ñan bwebwenato kin paragraph 11-16 ilo katak 1 ñe kwoj bar lolok.
“Look! I Am Making All Things New”
Kwalok aolepen pija eo ion kilen brochure eo im kajitõk: “Ta eo kwoj lemnak jej aikwiji ñan kõmman bwe lal in en einwõt in? [Kõtlok an uak.] Aolep armij ro ilo pija in ewõr juõn imwiir im jerbal eo ekalañliñ ñan kõmmane. Ewõr ainemõn im elõñ mõñã ko, im lal in ejjab etton. Kien ko an armij rejjab maroñ kõmman juõn lal einwõt in. Bõtab, Bible eo ej kamol bwe Anij enaj ‘kõmõn men otemjej bwe ren ekãl.’ [Eliklok ñan peij 30, im konono Reveles̃õn 21:3, 4.] Brochure in emaroñ jibañ yuk ñan katak kin ta eo kwoj aikwij kõmmane ñan mour ilo lal eo ekãl.” Elañe ej kwalok an itoklimo, eliklok ñan peij 3, im demonstrate kin ewi wãwen jej kõmman juõn Bible study.
Kõmõn Bwe Am Mour in Famili En Le Mõnõnõ
“Kwoj errã ke bwe family ko rainin rej jelmae abañ ko me ebeben ko mokta rar jaje kaki? [Kõtlok an uak.] Ekkar ñan lemnak eo am, etke men in ej walok? [Kamolol e kin uak eo an. Inem konono 2 Timote 3:1-3.] Nan ko ‘kiblia ñan jemeir im jineir’ im ‘re jab yokwe ro nukiir’ ejejjet air kwalok kin elõñ ilo ran kein ad. Bõtab, ejja Anij eo wõt me ear kanan kin abañ kein ej bareinwõt letok kakabilek ko me rej jibañ family ko ñan lo mõnõnõ.” Konono paragraph eo jen “Dri kõmõne buk in” ilo peij 2. Ñe kwoj lelok book in kwalok kin lajrak in jabawõt eo.
“Jej jelã bwe elõñ family ko rejjab lukkun mõnõnõ. Ta eo kwoj lemnak enaj jibañ family ko ñan lo elaplok mõnõnõ ilo mour in family ko air? [Kõtlok an uak.] Kwojjab errã ke bwe ewõr tokjen ñan roñjake ta eo Ri Kõmanman eo kin lajrak in family eo ej ba? Ej letok kakabilek ko raorõk ilo Bible eo. [Konono Aiseia 48:17-18.] Book in ej etale elõñ kakabilek ko ilo Bible me remaroñ kõmman bwe mour in family eo ad en laplok an mõnõnõ. Lale jet ian katak ko me rej walok. [Kwalok kobban book eo.] Ke kimij itoklimo in bwebwenato kin Bible eo ibben family ko, I kõnan bar itok ilo juõn ien ñe ro jet ilo family eo am rebed. [Kajitõk kin ñããt enaj juõn ien emõn.] Ñe inaj bar itok jemaroñ wõnmanlok im bwebwenato kin katak eo me kwe im family eo am komij itoklimo kake.”
Aõ Buk in Bwebwenato Ko Jen Baibel
“Kwoj lo ke bwe ebin am kameleleik ro nejõm kin Bible eo? Elañe eindein, book in emaroñ jibañ yuk. In kwalok juõn wanjoñok. [Konono Matu 6:9-10.] Kwoj jelã ke eon kein? [Kõtlok an uak.] Book in emaroñ jibañ yuk ñan kameleleik ro nejõm kin Jar eo an Iroij.” Kalikar point ko relap jen Bwebwenato 91.
“Kwoj lemnak ke bwe eaorõk ñan lelok ñan ro nejid redik katak ko remõn ñan air read? [Kõtlok an uak.] Elõñ ro jemen im jinen im ajiri ro jimor rar mõnõnõ in read book in kinke ej jibañ ir ñan melele kin Bible eo. [Konono Reveles̃õn 21:3-4.] Lale mõk ewi wãwen book in ej kamelele kin melelen eon kein.” Kajerbal Bwebwenato 115 ñan kamelele ilo tu-kadu kin kallimur eo ilo Bible kin juõn paradise ion lal. Inem kajitõk, “Kwokõnan ke bõk juõn copy in book in ñan ro nejõm (ak jibwõm)?”
The Government That Will Bring Paradise
“Elõñ armij rej ba bwe rekõnan mour iumin juõn kien me emaroñ kamadmõde abañ ko relap jej jelmaiki rainin. [Kwalok abañ ko ilo bukwon eo einwõt ejabwe jikin jerbal ko, laplok kowadoñ, ak kajerbal uno ko rekajur ilo jakkar.] Men kein rej kõmman ad jab jokane kin ilju im jeklaj. Kwoj lemnak ke bwe enaj wõr juõn kien me enaj kamadmõde abañ kein? [Kõtlok an uak.] Bõlen kwar jar Jar eo an Iroij. Elañe eindein, kwar jelã ke bwe kwoj jar kin juõn kien ewãnik? [Eliklok ñan peij 3, im konono paragraph eo moktata, eo ej elij nan ko jen Matu 6:10.] Elañe kwokõnan mour ilo juõn lal einwõt in, ij rejañ yuk bwe kwon readi brochure in.”
Mol eo Ej Tellok ñõn Mour Indrio
“Kij aolep jej jelmaik elõñ abañ ko rainin, jejjab ke? Kimij kajitõk ibben ro ri turim kajitõk in: Elañe ear wõr am kajur ñan kajimwe jabdewõt abañ ko ilo lal in rainin, abañ et eo kwokõnan kajimweiki? [Kõtlok an uak.] Bible eo ej jiroñ kij bwe Anij enaj jolok aolep abañ ko me rej kaeñtan kij. [Konono Reveles̃õn 21:3, 4] Lale mõk pija in ilo peij 4 ilo book in. Ilo peij 5 ej kakememej kij bwe ‘Anij yokwe’ im mõttan wõt jidik enaj kajemlok aolep wãwen ko rej kaburomõj kij. Kwokõnan ke jelã ewi wãwen im ñããt enaj kõmman men in? [Kõtlok an uak.] Kimij tilmake juõn program in katak Bible ilo ejelok wõnãn me enaj uake kajitõk kein.”
“Ia eo kwoj lemnak jemaroñ lo kakabilek ko remõn me renaj lukkun jerbal ñan kij? [Kõtlok an uak.] Bible eo ej kwalok juõn men eaorõk me kij aolep jej aikwij kile. [Konono 2 Timote 3:16. Inem kabellok ñan peij 8, im konono paragraph 7.] Book in enaj jibañ yuk ñan kile ewi wãwen bokake ta eo Bible ej ba ien otemjej ej ñan emõn eo ad. I naj mõnõnõ in bar itok im bwebwenato manlok ibbam kin katak in. Elañe kwokõnan letok jidik jabawõt kin jerbal eo am ñan katakin kin Bible eo, I naj mõnõnõ in bõke.”
United in Worship of the Only True God
“Kwonaj kar errã ke bwe armij ro rainin ebin air jerbal ibben don? [Kõtlok an uak.] Elõñ armij ro ibelakin lal rar lo bwe ilo air jerbale kakabilek ko ilo Bible ilo mour ko air jen ran ñan ran rar maroñ anjo ion abañ ko air ibben ro jet. [Konono Sam 133:1, inem eliklok ñan Chapter 17 im jitõñlok ñan unin tel eo edik “What to Do When Problems Arise (Ta eo Jemaroñ Kõmmane Ñe Ej Walok Abañ ko).”] Book in ej letok elõñ nan in rejañ ko kin ewi wãwen jemaroñ bõk tokjen eo elaptata jen ad read Bible. I naj mõnõnõ in bar itok im bwebwenato ibbam kin men in.”
Ta Eo Anij Ekõnan Bwe Jen Kõmmõne?
“Kwoj lemnak ke bwe Anij ear kõnan bwe jen eñtan kin abañ ko jej jelmaiki rainin? [Kõtlok an uak. Inem konono Matu 6:10.] Kwonañin lemnak ke kin ta in Ailiñ in Anij?” Eliklok ñan katak 6, im konono kajitõk ko me rej walok ilo jinoin katak eo. Jino etale katak eo, ak karõk ñan kõmmane ñe kwonaj bar itok.
“Meñe jukjuk im bed in ilo ran kein ear kõmman elõñ wõnmanlok ko, nañinmij im mij ej wõnmanlok im bõktok eñtan im buromõj ñan armij. Kwoj jelã ke ta eo Jesus enaj kõmmane ñan ro renañinmij, ro reritto, im ro remij bareinwõt?” [Kõtlok an uak.] Elañe armij eo ekõnan jelã uak eo, kabellok ñan katak 5, im konono kajitõk ko ñan paragraph 5-6. Etale paragraph ko, ak karõk ñan kõmmane ñe kwonaj bar rol.
Kwomaroñ Jeran Anij!
“Elõñ armij ro me rej tõmak ilo Anij rekõnan bwe ren ebaklok ñan e. Kwar jelã ke bwe Anij ej kirtok kij bwe jen erom ro jeran? [Kõtlok an uak. Inem konono Jemes 4:8.] Brochure in kar eiki ñan jibañ armij ñan kajerbal Bible eo air make ñan kaddeklok juõn jimjera ibben Anij. Ij katak Bible ibben armij ilo ejelok wõnãn. Ej bõk lalem wõt minute ñan kwalok kilen kõmmane. Ewõr ke am lalem minute?” Elañe ej kwalok an itoklimo, etale paragraph 1 ilo Katak 1.
Kwo Maroñ Mour Indio ilo Paradise ion Lõl
“Ñe jej luji juõn eo ejitenburu ibbed ilo mij, jej lukkun buromõj im eñjake bwe ejelok juõn men jemaroñ kõmmane. Im ekkã ad lemnak kin kajitõk kein: [Konono kajitõk ko ilo paragraph 1 ilo peij 76.] Kwokõnan ke jelã uak ko ñan kajitõk kein? [Kõtlok an uak.] Emaroñ juõn men in kakajur yuk ñan jelã bwe Bible eo ej letok juõn kejatdikdik emol ñan ro rar mij. [Konono Jon 5:28, 29.] Book in ej jibañ kij ñan melele kin wãwen ro remij im ta kejatdikdik eo ewõr ñan ilju im jeklaj.” Karõk ñan bar jeblak ñan kwalok kilen kõmmane program eo ñan katak Bible ilo ejelok wõnãn.
“Kimij bwebwenato ibben ro ri turim kin ewi wãwen jemaroñ kejbãrok kij jen men in uwõta ko. Elõñ kowadoñ ko rej walok ilo ailiñ eo ad im ej jelet mour ko ad. Kwoj lemnak ke bwe armij ro einwõt kwe im ña jenaj maroñ etetal in boñ im eñjake ad jokane? [Kõtlok an uak, inem konono Sam 37:10, 11.] Book in ej kwalok kin men ko raibujuij me Anij ear kallimur kin ilju im jeklaj, ekoba jemlokin kowadoñ.” Ilo am kajerbal peij 156-8, jitõñlok ñan bar juõn kallimur ilo Bible. Elañe ej kwalok an itoklimo, tilmake juõn katak kin Bible ilo ejelok wõnãn.