(1) Kajitõk, (2) Eon, im (3) Japter

Juõn wãwen ebiruru ñõn lelok buk eo Ta eo Baibel Ej Lukkun Katakin? ej ñõn (1) kwalok juõn kajitõk, (2) riit juõn eon ekkar, im (3) jitõñlok dri mweo ñõn japter eo ilo buk eo me ej kemelele kin katak eo ilo am riiti kajitõk ko rej ber iomin unin tel in japter eo. Elañe dri mweo ej kwalok an itoklimo, kwomaroñ kwalok kilen ar katak Baibel iben armij ro ikijen ar kajerbal pãrokõrããp ko ilo jinoin japter eo. Jemaroñ kajerbal karõk in ñõn ar jino katak iben armij ro ilo ien eo moktata jej iion ir ak ñe jej jeblak.

◼ “Ilo am lemnok, jemaroñ ke jela kajen Dri Kõmõnmõn eo ar, eo ekajur potata einwõt an Baibel eo ba?” Riit Jerbal 17:26, 27, im kõtlok bwe ren uak. Inem jitõñlok ñõn japter 1.

◼ “Kin ar jelmaik elõñ abañ ko ranin, ewi wãwen am lemnok, jemaroñ ke bõk kainemõn im kejatrikrik eo me Baibel ej konono kake?” Riit Dri Rom 15:4, im kõtlok bwe en uak. Inem jitõñlok ñõn japter 2.

◼ “Elañe ear or am maroñ, kwon ke kar kõmõni men kein?” Riit Reveles̃õn 21:4, im kõtlok bwe en uak. Inem jitõñlok ñõn japter 3.

◼ “Ewi wãwen am lemnok, eor ke juõn ien ajiri ro nejir renaj lo mõnõnõ eo me Baibel ej konono kake?” Riiti Sam 37:10, 11 im kõtlok bwe en uak. Inem jitõñlok ñõn japter 3.

◼ “Ewi wãwen am lemnok, nan kein ilo Aiseia 33:24 ren ke jejit kitieir?” Riiti eon eo, im kõtlok bwe en uak. Inem jitõñlok ñõn japter  3.

◼ “Ro remij rejela ke ta men ko ro remour rej kõmõni?” Kõtlok bwe en uak. Inem riit Ekklisiastis 9:5, im jitõñlok ñõn japter 6.

◼ “Jen ke bar lo ro remij im rejitenburu iber, einwõt Jisõs ear ba ilo Baibel?” Riit Jon 5:28, 29, im kõtlok bwe en uak. Inem jitõñlok ñõn japter 7.

◼ “Ilo am lemnok, ewi wãwen an naj jejit kitien ankilan Anij ijin ion lõl einwõt an jejit ilõñ, einwõt an walok ilo jar eo an Iroij?” Riit Matu 6:9, 10, im kõtlok bwe en uak. Inem jitõñlok ñõn japter 8.

◼ “Ewi wãwen am lemnok, jej ber ke ilo ran ko eliktata einwõt an kar Baibel kanan kake?” Riit 2 Timote 3:1-4, im kõtlok bwe en uak. Inem jitõñlok ñõn japter 9.

◼ “Elõñ armij ro rej kajitõk kin etke ej laplok wõt abañ ko ilo lõl. Kwonañin ke kar lemnok kin kemelele eo ej walok ilo eon in?” Riit Reveles̃õn 12:9, im kõtlok bwe en uak. Inem jitõñlok ñõn japter 10.

◼ “Kwonañin ke lo uak eo ñõn kajitõk in?” Riit Job 21:7, im kõtlok bwe en uak. Inem jitõñlok ñõn japter 11.

◼ “Ar jerbale nan in kakabilek in jen Baibel, en ke jibõñ armij ro bwe ren lo mõnõnõ ilo baamle ko air?” Riit Dri Epesõs 5:33, im kõtlok bwe en uak. Inem jitõñlok ñõn japter 14.

Elikin ar katak jilu alen iben juõn dri katak Baibel, im ñe jej tõmak bwe enaj wõnmanlok wõt im katak, jemaroñ je ilo report in kwalok nan eo ar.