Jaketo-Jaketak Ibben Ro Jet Book eo Kõmõn Bwe Am Mour in Famili En Le Mõnõnõ
1 Family eo ej bedbed in jukjuk im bed in armij, im jen family eo ej itok bukwon ko, jikin kwelok ko, im ailiñ ko. Rainin bedbed in family eo ej bed iumin ijibed ko ejañin kar wor jen mokta. Kilan ko rekajur rej jerbal nae bed eo an mour in family. Elap ad kamolol bwe Jehovah, Ri Eiki eo kin karõk in mour in family, ear letok ñõn kij nan in kibel ko bwe jen maroñ in kõtõbrak mõnõnõ ilo mour in family! Ro rej lor nan in tel ko an renaj lo bwe abañ ko air rej diklok im juõn bedbed in family ewor tõbrak ie ej walok. Ilo October ewor jerammõn eo ibbed ñõn jaketo-jaketak ibben ro jet book eo Kõmõn Bwe Am Mour in Famili En Le Mõnõnõ. Kwon make kebak im konono ibben armij kin katak eo kin mour in family. Kwon joij, en wor juõn lemnak emõn, im kwalok lolokjen. Ta eo kwomaroñ ba?
2 Kwomaroñ jino ilo am bõkmantak juõn kajitõk einwõt:
◼ “Kwo nañin lo ke bwe elõñ family ko rej lo bwe ebin air kijenmij kin ijibed ko an mour? [Kõtlok an uak.] Report ko rej kalikar bwe elõñ armij rej ion abañ ko ilo mweo. Ta eo kwoj tõmak bwe enaj jibañ family ko ñõn lo elaplok mõnõnõ im jokane? [Kõtlok an uak.] Kinke Anij ear kajutak karõk in mour in family, ejjab juõn men in kammanwa ke ñõn etale nan in tel ko ear litoki? [Konono 2 Timothy 3:16,17.] Nan in kibel rot kein rej kalãjraki ilo book in, Kõmõn Bwe Am Mour in Famili En Le Mõnõnõ.” Inem kajitõk ibben armij eo ta eo ej lemnak ej juõn abañ an family ekkã an walok, kwalok katak eo me ej konono kin abañ eo, im lelok book eo.
3 Ñe kwoj kõmmõn bar jeblak eo, kwomaroñ jibadõk mejenkajjik eo ñõn jino juõn Bible study ilo am ba:
◼ “I ar lemnak kin ta eo kwar ba kin mour in family, im iar bõktok juõn men me ij lemnak kwonaj mõnõnõ kake. [Kwalok Jen Kõmmõne brochure eo, eliklok ñõn peij 16, im readi kajitõk ko jiljino ilõñ.] Alikar, kajjojo uan family eo ej aikwij kõmmõn ijo kwunan ñõn kõmmõn bwe family eo en mõnõnõ. Elañe ewor jet wõt minute ko, I naj kwalok ewi wãwen kwomaroñ bõk tokjen jen kamelele in.” Inem jino katak katak 8.
4 Bar juõn wãwen ñõn jino juõn bwebwenato ej ñõn kwalok juõn abañ, bõlen ilo am ba:
◼ “Meñe aolep armij rekõnan eñjake jokane im bo burueir, einwõt elõñ family ko rar jab lo tõbrak ilo men in. Ta eo kwoj lemnak enaj jibañ ir ñõn lo mõnõnõ eo emol? [Kõtlok an uak.] Elõñ yiõ ko remotlok, Bible eo ear kalikar ta abañ ko jenaj lo ibwiljin family ko rainin. [Konono 2 Timothy 3:1-3.] Bõtab, Bible eo ej bareinwõt jiroñ family ko kin ta eo rej aikwij kõmmõne ñõn kamadmõde abañ kein im ñõn bõk mõnõnõ eo ej indio. Nan in kakabilek ko an rej kwalok kaki ilo book in, Kõmõn Bwe Am Mour in Famili En Le Mõnõnõ.” Inem eliklok ñõn juõn katak ekkar, im lelok book eo.
5 Ñe kwoj bar jeblak, kajerbal “Jen Kõmmõne” brochure eo ñõn jino juõn Bible study. Kwomaroñ ba:
◼ “Iar mõnõnõ kin am kõnan etale nan in kakabilek ko ilo Bible me rej jerbal ñõn mour in family. Iminene ko rej kwalok bwe tokjen ko remõntata rej tõbrak ilo air lor nan in kakabilek ko rekeie rej lo ilo Bible eo. Ijin ej juõn wanjoñok elamwan kin etke men in ej eindein.” Konono paragraph eo mokta ilo katak 1 ilo Jen Kõmmõne brochure eo, kobaik Psalm 1:1-3 ak Isaiah 48:17, 18. Elañe ewor ien, etale paragraph ko jet ilo katak eo. Ba bwe kwoj mõnõnõ in jeblak ñõn katak katak eo tok juõn ibben don.
6 Kin Book ko Ad: Ilo am jela bwe aolep book ko ad reaorõk im ñõn kõmmõni ej aikwiji jen, kwoj itwelok ke ñõn lelok magazine ko, brochure ko, ak book ko ñõn armij kwoj iion ir? Ewi wãwen ad maroñ jela bwe jejjab lelok book im magazine ko ñõn armij ro ejelok air kamolol? Juõn wãwen ej ñõn kajitõk ibben armij eo elañe enaj kallimur ñõn readi men eo kwoj lelok ñõn e.
7 Ñõn wanjoñok, ñe kwoj lelok juõn “Mour in Famili” book kwomaroñ ba men in:
◼ “Elañe kwoj kallimur ñõn read book in, I naj door ibbõm ilo ejelok wõnãn. [Kõtlok an uak.] Kwomaroñ lemnak ewi wãwen kimij maroñ kõmmõn men in. Ej kinke jerbal eo am ej jurake kin jabawot ko. Elañe kwo kõnan letok jidik jabawot ñõn jerbal eo am, I naj mõnõnõ in bõke.” Juõn brother kar wor jidik wõt tõbrak mae ien ear kõmmõn ruo oktak ko. Mokta, ear kobaik juõn nan, im ba: “Elañe kwo kõnan letok jidik jabawot rainin, I naj mõnõnõ in bõke.” Kein karuo, ear bwe ien an bõjrak ñõn kõtlok bwe ri mweo en emmakit. Inem ear laplok an liki bwe armij eo ear wor an kamolol kin book eo im bwe enaj kar readi.
8 Jen kate kij joñan wõt ad maroñ ñõn jake jibwil ibben ro jet men in ittino ak key eo me ej tellok ñõn mõnõnõ ilo mour in family—lor nan in kibel ko rej walok ilo Nan eo an Anij.—Sam 19:7-10.