Kwalok News eo Emõn Kin juõn Eñjake in Ekaiuriur
1 Jej kwalok ad kamolol kin kallimur ko an Ailiñ in Anij ilo ad bõk kwunad kin aolepen burued ilo jerbal in Christian eo ñõn kwalok nan. Jej aikwij bõk kwunad ilo jerbal in kin juõn eñjake in ekaiuriur. Etke? Kinke eiet ri jerbal ro, jemlokin jukjuk im bed in enana ej ebaktok, im mour ko an ro rej bed ilo territory eo ad rej bed ilo kauatata. (Ezek. 3:19; Mat. 9:37, 38) Eddo rot in ej aikwij ad kate ilo jerbal in kwalok nan. Ewi wãwen jemaroñ kwalok juõn eñjake in ekaiuriur ikijen jerbal in kwalok nan eo ad? Ilo ad kabojak lok iman ennan ko remõn, ilo ad niknik in bukõt armij ro ilo jabdewõt jikin ko jemaroñ lo ir, ilo ad kejbarok juõn record ejejjet kin aolep ro rar kwalok air itoklimo im kõmmõn bar jeblak ko ilo mõkaj, im ilo ad kememej bwe kinke ej jelet mour ko an armij, jej aikwij kaorõk jerbal eo ad. Ennan in rejañ kein tok lõl remaroñ jibañ ñe jej kabojak ñõn kwalok news eo emõn kin juõn eñjake in ekaiuriur ilo alliñ in March. Jenaj lelok brochure eo ekãl kin Ta eo Anij Ekõnan Bwe Jen Kõmmõne?
2 Kwomaroñ jino juõn bwebwenato ilo am kwalok ilo tu-karu jet abañ ko rej jelmaeki ilo bukwon eo, inem kwomaroñ ba:
◼ “Elõñ armij rej tõmak bwe ewor juõn Anij, ak rej lemnak: ‘Kain ilju rot ekõnan kin kij?’ Ewi wãwen kwonaj kar uak? [Kõtlok an uak.] Kwar jela ke bwe Bible eo ej kamelele ilo alikar kin ankil an Anij kin armij im buñten ne ko ej bõki ñõn kõtõbraki?” Eliklok ñõn peij 11 ilo Jen Kõmmõne brochure. Konono paragraph 5 im 6, im jitõñlok ñõn pija ko ilo peij 11 im 13 ñõn kwalok ta melelen men in kin ilju eo ad. Konono Revelation 21:3, 4 ñõn kalikar point eo rej kõmmõne ilo paragraph 5. Elañe ewor juõn uak emõn, lelok brochure eo. Kwon jab meloklok in kamelele kin ewi wãwen jerbal eo ad ej wõnmanlok ikijen jabawot ko. Karõk juõn ien emõn ñõn bar jeblak ñõn wõnmanlok kin bwebwenato eo.
3 Kwomaroñ wõnmanlok kin bwebwenato eo mokta kin Revelation 21:3, 4, kin ennan in ekaru:
◼ “Ilo ien lotok eo aõ mokta, jaar konono kin kallimur eo an Anij ñõn keboj juõn jukjuk im bed eo ekãl ñõn armij ion lõl. [Bar jitõñlok ñõn pija ko ilo peij 11 im 13 ilo Jen Kõmmõne brochure.] Kwo kõnan ke lo family eo am mõnõnõ kin wãwen rot kein rekalõñliñ? [Kõtlok an uak.] Kajitõk eo in, ‘Ewi joñan eo jemaroñ liki kallimur ko an Anij?’ Lale ta eo ej make ba. [Konono Revelation 21:5.] Ilo lemnak kin aolep men ko Ear kallimur bwe enaj kõmmõni kin kwe, kwo kõnan ke bwe en emõnlok am jela kajjen Anij?” Eliklok ñõn peij 5, konono paragraph 6, inem konono kin lãjrak in katak Bible eo ilo ejelok wõnãn. Karõk ñõn kwalok kilen ilo bar juõn ien.
4 Kinke elõñ rej inebata kin an laplok abañ ko armij rej jelmaeki, kwomaroñ ba juõn ennan einwõt in ilo lolok eo am mokta:
◼ “Aolep armij ij iion ir rej inebata kin abañ ko jej jelmaeki ilo bukwon eo ad. [Kwalok jejjo abañ ko.] Iumin elõñ yiõ ko ri tel ro an kien rar kallimur ñõn bõktok mejelan ko rej ñõn indio, im jet iair rar kajeoñ in kõmmõni. Ta eo kwoj lemnak ej kõmmõn bwe wãwen ko rej wõnmanlok im nanalok? [Kõtlok an uak.] Bible eo ej letok juõn kamelele me enañin aolep armij rar jab lemnak kake. Book in Revelation ej kwalok kin juõn tarinae me ear walok ilõñ. Lale ta eo ear walok, einwõt ej ba ilo Revelation 12:9.” Konono eon eo, inem eliklok ñõn Katak 4 (peij ko 8-9) ilo Jen Kõmmõne brochure eo. Kajerbal pija ko ñõn jibañ kamelele kin kwunan Satan ilo makitkit ko an lõl. Elañe rej kwalok itoklimo eo emol, lelok brochure eo im kwalok kin lãjrak in jabawot eo. Kõmmõn karõk ñõn bar jeblak im konono kin ewi wãwen Anij enaj kamadmõd aolep abañ ko an armij.
5 Elañe kwar kallimur ñõn bar jeblak im kamelele kin mejelan ko an Anij kin abañ ko rainin, kwomaroñ kajeoñ ennan in:
◼ “Iar kõmmõn juõn jibadbad ejej uan ñõn bar jeblak bwe jen maroñ wõnmanlok ilo bwebwenato eo ad kin mejelan eo emol kin abañ ko me armij rej jelmaeki. Ilo lotok eo aõ mokta, jaar lo bwe Bible eo ej kalikar Satan Devil eo einwõt eo ej mone aolepen lõl in. Kinke ej juõn jitõb ekajur, kwoj lemnak ke bwe ewor juõn wãwen bwe kilan emaroñ jako? [Kõtlok an uak.] Joij im lale ta eo Bible ej ba.” Konono im kamelele Revelation 20:1-3. Ilo am kajerbal pija eo ilo peij 13 ilo Jen Kõmmõne brochure, kwalok kin ta wãwen ko renaj walok ñe ejako kilan Satan. Tilmaake juõn katak kin Bible im kajeoñ jinoe ilo ien eo wõt.
6 Kin an lõñ armij itoklimo kin mejatoto, kwomaroñ ba juõn men einwõt in ñõn kabellok juõn bwebwenato:
◼ “Jaar lo bwe enañin aolep armij rej itoklimo kin katton mejatoto, den, im mõñã ko kijiir. Ilo jet ailiñ ko wãwen mejatoto ededelok an kauatata ñõn mour. Kinke Anij ej Ri Kõmõnmõn lõl in, ta eo kwoj lemnak enaj kõmmõne kin men in? [Kõtlok an uak.] Bible ej ba bwe Anij enaj kõmmõn juõn ien uak kin wãwen eo jej kajerbal iju in. [Konono Revelation 11:18b.] Lemnak kin ad jokwe ilo juõn lõl eanemkwoj jen etton otemjej!” Jitõñlok ñõn kallimur eo an Anij kin juõn paradise, einwõt ej walok ilo Revelation 21:3, 4. Kwalok pija eo ilo peij 13 ilo Jen Kõmmõne brochure. Elañe armij eo ej kwalok an itoklimo, lelok brochure eo im kõmmõn karõk ñõn bar jeblak. Lelok ñõn armij eo juõn ien emõn ñõn letok jidik jabawot.
7 Ñe kwoj bar jeblak ibben juõn armij eo ear kwalok an itoklimo ilo Paradise eo ion lõl, kwomaroñ ba:
◼ “Ilo trip eo aõ mokta, jaar errã bwe ñõn kamadmõde abañ eo kin juõn lõl etton, Anij ear aikwij in jumae makitkit ko an armij. Ak kajitõk eo in, Ta eo jej aikwij kõmmõne ñõn le ñõn loan lõl eo ekãl im wãnik kõmmõn in Anij?” Konono John 17:3. Kir armij eo ñõn kortokjen lãjrak in katak Bible eo ilo ejelok wõnãn ñõn bõk jelalokjen in ejej uan.
8 Ej juõn jerammõn elap bwe ren kajerbal kij einwõt ri jerbal in madmõd ro ilo ran kein im ñõn kõmmõn juõn jerbal in kwalok nan me ej lomoren armij! Jen aolep boub in kwalok news eo emõn kin juõn eñjake in ekaiuriur, ‘bwe komij jela bwe ami jerbal e jab jekron ilo Iroij.’—1 Kor. 15:58.