Kwojkwoj in Kijota eo—Juõn Men in Walok Elap an Aorõk!
1 Ilo Sunday, March 23, elikin tulok in al, jenaj kememe Kwojkwoj eo kin mij eo an Christ. (Luke 22:19) Ej juõn ien elap an aorõk! Ilo an tiljek ñõn Jehovah ñõn mij, Jesus ear kamol bwe armij remaroñ kejbarok tiljek eo air ñõn Anij meñe iumin melejoñ, im ilo wãwen in jurake jimwe eo kin iroij bõtata an Jehovah. (Hib. 5:8) Bareinwõt, mij eo an Christ ear letok men in katok eo ewãppen kar aikwiji ñõn wiaik armij, im kamaroñ ro rej jerbale tõmak ñõn bõk mour indio! (John 3:16) Ilo ad bed ilo ien Kwojkwoj eo, jemaroñ kwalok kamolol eo ad jen buruer kin yokwe eo an Jehovah im kin men in katok eo an Jesus kin kij.
2 Rej rejañ kij aolep ñõn lor program in konono Bible me rej kalãjrake ñõn March 18-23, einwõt jemaroñ loe ilo 1997 Calendar of Jehovah’s Witnesses. Bareinwõt, an family eo bwebwenato kin katak 112-16 ilo book eo The Greatest Man Who Ever Lived naj jibañ ir ñõn kalimjeklok week eo eaorõktata ilo bwebwenato in armij.
3 Kwomaroñ ke kalaplok ien eo kwoj kajerbale ñõn jerbal in kwalok nan ilo ien Kwojkwoj eo? Elõñ ri kwalok ro naj kortokjen weekend ko lalem ilo March ñõn jerbal einwõt auxiliary pioneer ro. Etke kwojjab juõn iair? Kij aolep jemaroñ bõk kwunad joñan wõt ad maroñ ñõn kalikar kin aorõkin bed ilo ien Kwojkwoj eo. Kinke ej walok ilo juõn Sunday, enaj bidodolok ñõn an elõñ bed ilo kwelok eo. Kwon kirtok aolep ri katak Bible ro im ro jet rej itoklimo ñõn koba ibbed. Kamao ibbeir kin ta eo ej ba kake ilo peij 127, paragraph 18, ilo book in Knowledge ikijen ran eo wõt ilo juõn yiõ jej aikwij kejbaroke.
4 Kebak ien in elaptata ilo 1997 kin kamolol eo emwilõl kin aolep men ko mij eo an Jesus ej melelen ñõn kij. Kwon bed ilo jotenin March 23, ñe Christian ro remol ijoko otemjej naj kememe Kwojkwoj eo ilo tiljek.