Box In Kajitõk
◼ Ta eo ren kõmmõne ñe juõn jorrãn ej walok me ej jelet ro jeir im jatir?
Elañe juõn Jorrãn ej Walok ilo Bukwon eo Am: Jab wiwijet. Kwon ainemõn, im lemnak kin ta eo ej mol an aorõk—mour, im jab mweiuk ko. Lale aikwij ko ilo kanniek an family eo am. Inem kõjelaik elder ro kin wãwen ko am im jikin eo kwoj bed ie.
Elder im ministerial servant ro rej kõmmõn juõn jerbal eaorõk in lelok jibañ ko. Elañe rej kõjela kin juõn jorrãn me ej berotok, einwõt juõn lañ, brother rein rej aikwij kõmmõn bwe aolep ren bed ilo juõn jikin kone, im elañe ewor wõt ien, ren bõk im ajej men ko renaj aikwiji.
Tokelik, book study conductor ro rej aikwij bukõt kajojo family ko im lale bed eo air. Rej aikwij kõjelaik presiding overseer eo ak bar juõn elder kin wãwen bed an kajojo family, meñe ej emõn wõt. Elañe juõn ear jorrãn, elder ro renaj kajeoñ in bõklok e ñõn doctor. Renaj bareinwõt lelok jabdewõt men ko rej aikwiji, einwõt mõñã, nuknuk, jikin jokwe, ak men ko jet rej aikwiji. (John 13:35; Gal. 6:10) Elder ro ilo bukwon eo renaj lelok jurake ilo jitõb im eñjake ñõn congregation eo im naj karõk ilo mõkaj ñõn bar jino kwelok ko an congregation eo. Elikin kõmmõne juõn etale elet, juõn elder en kebak circuit overseer eo ilo etan kumi in elder ro ñõn kõjelaik e kin jabdewõt jorrãn ko ñõn brother ro, jorrãn ñõn kingdom hall eo, ak jorrãn ko ñõn moko imõn brother ro, im bareinwõt kin jabdewõt men in aikwij ko rejej uan. Circuit overseer eo enaj telephone lok ñõn ra eo kin report kin wãwen eo. Ra eo enaj lolorjake jabdewõt jibañ ko relap elañe ewor juõn aikwij.
Elañe juõn Jorrãn ej Walok ilo Bar Juõn Jikin: Kememej brother im sister ro ilo jar ko am. (Jem. 5:16b) Elañe kwo kõnan lelok money in jibañ, kwomaroñ jilkinlok jabawot ko am ñõn Society eo, ijo rej kõmmõn juõn jortoklik kin karõk in. Address eo ej: Watchtower, 25 Columbia Heights, Brooklyn, New York 11201-2483. (Jerbal 2:44, 45; 1 Kor. 16:1-3; 2 Kor. 9:5-7; lale December 1, 1985, Watchtower, peij 20-2.) Kwon jab jilkinlok mweiuk ko ak supply ko ñõn jikin eo ejorrãn elañe brother ro rej bõk eddon rejjab kajitõk kaki. Men in enaj kõmmõn bwe jerbal eo ñõn lelok jiban en kwon im en jejjet air ajej mweiuk ko. (1 Kor. 14:40) Joij im jab telephone lok ñõn Society eo elañe ejjab juõn men in aikwij, bwe men in emaroñ keboup line in telephone ko me rej aikwiji ñõn bõk call ko jen jikin eo ej jorrãn.
Elikin rej kõmmõn juõn etale ejejjet, Society eo enaj bebe elañe enaj kajutak juõn committee in jibañ. Renaj kõjelaik brother ro renaj bõk eddo in. Aolep rej aikwij jerbal ibben elder ro rej tel bwe ren maroñ kabwe aikwij ko relap an aolep brother ro.—Lale Jehovah’s Witnesses—Proclaimers of God’s Kingdom, peij 310-15.