Ajiri ro—Komij Unjen Lõñliñ Eo Am!
1 Ladik ro im ledik ro, komij jela ke kin kien eo an Jehovah bwe ren kobaik kom ilo makitkit ko an congregation eo? (Dut. 31:12; Sam 127:3) Ej juõn unjen lõñliñ ñõn am bed turim ñe jej kabuñ ñõn Jehovah ibben don! Komij kamãnãn buruem ñe komij jijet im jab keroro ilo kwelok ko im lukkun roñjake. Ej kamõnõnõik kim ñe komij kajeoñ in uak ilo nan ko am make. Aolepen congregation eo ej mõnõnõ ñe komij kõmmõn part ko ami ilo Theocratic Ministry School, ñe komij koba ibbem ilo kijejeto ilo jerbal in kwalok nan, im ñe kimij roñ bwe komij kwalok nan ilo beran ñõn ri school ro mõttami im ri kaki ro ami.—Sam 148:12, 13.
2 Kimij kõnan bwe komin jela bwe kimij utiej buru kake kom ñe kimij lo mwilimi emõn, baotokimi ekarbõb, mwil erreo, im ami kwalok kautiej ritto ro. Elaptata am lõñliñ ñe komij kwalok bwe komij ‘kememej Eo Dri Kõmõnmõn yuk’ ilo ami likit mejenkajjik ko rej theocratic ñõn kom make.—Ekl. 12:1; Sam 110:3.
3 Kwalok Ñõn Kim Mejenkajjik ko Ami: Juõn ladik rualitõk an yiõ ear jiroñ juõn district overseer: ‘Moktata I kõnan baptais, inem I kõnan jibañ ilo congregation eo ikijen aõ leto-letak microphone ko, ilo aõ juõn ri lale kejam, jibañ ilo jikin book, konono ilo book study im ilo Katak in Watchtower. Inem I kõnan jerbal einwõt juõn ministerial servant, inem juõn elder. I kõnan bareinwõt jerbal einwõt juõn pioneer im etal ñõn school in pioneer. Inem I kõnan etal ñõn Bethel, im bwe in juõn circuit overseer ak district overseer.’ Ear kwalok juõn kamolol emõn kin jerammõn eo ñõn karejar ñõn Anij!
4 Ñe komij wõnmanlok ilo kanniek im ilo jitõb, kimij lõñliñ in lo ami kõtõbar mejenkajjik ko ami. (Keiri Luke 2:52.) Kajjojo yiõ, thousand iami komij erom ri kwalok ro rejañin baptais inem tellokin baptais einwõt ri karejar ro emwij wujleplok air mour an Jehovah. Lõñliñ eo am ej eddeklok ñe kimij lo ami jibadõk ami jerbal einwõt auxiliary pioneer ak meñe deloñ ilo jerbal in full-time. Emol, ajiri ro, komij unjen lõñliñ eo am im juõn unjen nebar ñõn Jemed ilõñ. Kimij kejatdikdik bwe Jehovah enaj lap an kajerammõn kom!—Jabõn Kennan 23:24, 25.