Ej Juõn Men Emõn Ñan Bed ilo Kwelok ko Ien Otemjej!
1 Iumin elõñ ebeben ko ilo Eastern Europe, elõñ ian ro jeid im jatid rejitenburu kar kamo air kwelok ibben don. Lemnak kin lañliñ eo air ke kamo eo ear jako im rar maroñ kwelok ibben don ilo anemkwoj!
2 Ikijen lolok eo an ñan juõn congregation, juõn circuit overseer ear je: “Ilo boñin Tuesday, ilo jinoin ien lolok eo aõ, system in kamãnãn eo ear jorrãn. Inabõj, temperature (joñan bwil ak bio) eo ear tarrin ekakojkoj, im iloan, ear baj 40 degree Fahrenheit. Ro jeid im jatid rar jijet ilo air kõnak kobã ko, scarf ko, glove ko, caps ko, im boot ko. Ejelok juõn ear maroñ lale eon ko ilo Bible, kinke rar jab maroñ eliklok peij ko. Ilo aõ jutak iman ilo suit eo aõ, iar koj, im kajjojo ien iar konono, iar maroñ lo aõ menono. Ak men eo ear kabwilõñ iõ kar bwe iar jab roñ juõn nan in aol. Aolep ro jeid im jatid rar ba bwe rar mõnõnõ in bed ilo kwelok eo!” Rein jeid im jatid rar jab meñe lemnak in jako jen kwelok eo!
3 Ej Eindein ke Eñjake eo Ad? Jej kaorõk ke ien eo emõn jemaroñ anemkwoj in bed ilo kwelok ko ad week otemjej? Ak jej kwalok ke ad jab kamolol kin kwelok ko ñe wãwen ko rej emõn? Keini ad bed ilo kwelok ko emaroñ jab bidodo, im emaroñ wõr ien ñe ewõr un emõn ñan ad jab bed ilo kwelok ko. Ak, jab meloklok, bwe ewõr jet ibwiljid me jekdon air rittolok, ewõr abañ in ejmour ko relap, rej handicap ilo enbwiniir, ewõr schedule in jerbal ko rebin, im eddo ko jet raorõk rej lo aorõkin kwelok ko im enañin aolep ien rej bed ilo kwelok ko. Rej joñok ko remõn ñan ad kajeoñe!—Keidi Luke 2:37.
4 Jen kõmman bwe en manit eo ad ñan rejetak kabuñ eo emol ilo ad bed ilo aolep kwelok ko an Christian, jen juõn kumi in book study edik ñõn juõn convention ekilep. Etke jej aikwij lukkun kaorõk ad bed ilo kwelok kein. Kinke ej juõn kien jen Anij bwe jen koba ibben don. Ak ewõr un ko jet raorõk. Kij aolep jej aikwiji tokjen ko remõn rej itok jen nan in kaiñi ko jen Anij im jibañ eo jen jitõb kwojarjar, ko jej bõki jen kwelok ko. (Mat. 18:20) Jej bõk kõketak jen ad rejañ don ñe jej kamao ibben ro jeid im jatid.—Hib. 10:24, 25.
5 Ilo ien kejakilkil eo, Peter ear ba, “Dri Kaki emõn ar ber ijin.” (Luke 9:33) En eindein ad eñjake kin aolep kwelok ko an Christian. Emol, ej juõn men emõn ñan bed ilo kwelok ko ien otemjej!