Aolep Rej Aikwij ‘Bõk Nan eo An’!
1 Elõñ million armij rej katak Bible ibben Ri Kennan ro an Jehovah. Bwe ren tellokin bõk mour indio, rej aikwij ‘bõk Nan eo An,’ einwõt kar 3,000 ro rar ukwelok im baptais ilo ran in Pentecost 33 C.E. (Jerbal 2:41) Ta eddo eo ej likit iod rainin?
2 Jej aikwij jibañ ri katak Bible ro ad ñan kaddek tiljek eo air ñan Jehovah. (1 Tim. 4:7-10) Ñan jemlok in, rej rejañ kij bwe jen kabuk ien ko remõn ñan kalek air kamolol kin kadkad ko kadkadin Jehovah ilo ien air katak. Kwalok eñjake ko am make remũlal kin Anij. Jibañ ri katak eo ñan lemnak kin an kalek juõn kõtan emãnãn ibben Jehovah.
3 Aitwerõk eo Jej Jelmaiki: Enañin aolep armij, ro kabuñ ko rewan kar jelet ir, rej juburu kin juõn wãwen kabuñ me ej bõk jidik wõt ien im jibadbad, im ejjab kõmman bwe ej juõn men in aikwij bwe ren ukõt wãwen air mour. (2 Tim. 3:5) Aitwerõk eo ej jelmaik kij ej ñan jibañ ri katak Bible ro ad ñan lo bwe kabuñ eo emol ej kitibuj elaplok jen air ri roñjake wõt nan eo an Anij. Rej aikwij jerbale ta eo rar katak kake ilo air mour. (Jem. 1:22-25) Elañe ewõr juõn manit ilo mwiliir make Anij ejjab buñburuen kake, rej aikwij kile eddo eo air ñan “bar oktõk” im kõmman ta eo ejimwe ñan kabuñburuen. (Jerbal 3:19) Ñan bõk mour indio, rej aikwij ‘kate ir’ im jutak bin kin mol eo.—Luke 13:24, 25.
4 Ñe kwoj konono kin kajjojo wãwen mour erreo, kajitõk ibben ri katak Bible eo am kin ewi wãwen ej lemnak kin men kein im ta eo en kar kõmmane elañe ej lo juõn aikwij ñan kõmman oktak ko ilo mour eo an. Kareilok e ñan dolul eo ikijen eo ej katak mol eo, im rejañ e ñan keini an bed ilo kwelok ko an congregation.—Hib. 10:25.
5 Jen kõmman bwe en mejenkajjik eo ad ñan tõbar buruen ri katak eo kin katak ko ad. Jenaj lañliñ ñe jej kamakit ro rekãl ñan bõk nan eo an Anij im baptais!—1 Tes. 2:13.