Kortokjen Book ko Remor
1 Armij rar kakonkon elõñ million book ko remor ilo library ko ilo aolepen lal in. Ak, men in kar ñan tokjen et eo ñan armij? (Ekk. 12:12) Book ko elaplok an wõr tokjeir ej book ko rej kareilok armij ñan Ailiñ in Anij im kin ta eo enaj kõmmane ñan armij. Elõñ congregation ko ewõr elõñ 192-peij book ko, im ilo February jenaj lelok book kein remor ñan armij ro ilo territory eo ad.
2 Ewõr Tokjeir Ko Relap: Meñe jet iad jemaroñ eñjake bwe book kein remor ñe keidi ibben book ko ad rekãl, jej aikwij kememej bwe ewõr iloair mol ko ekkar ñan Jeje ko. Ennan in Ailiñ eo me rej kamelele kake ej wõr wõt aorõkiir rainin im, elañe rej bokake, emaroñ jibañ armij bõk lomor. (Jon 17:3) Kin men in, jej aikwij kate kij ñan kortokjen book kein remor.
3 Ñan kalikar aorõkiir ej experience eo an juõn kõrã eo ear jolet elõñ book ko remor an Watch Tower jen jibwin. Juõn Ri Kennan ear kajitõk ibben kõrã eo elañe ear jelã aorõkin book kan. Kõrã eo ear uak: “I jaje aorõkiir, ak ewi wãwen I maroñ jelã?” Kõrã eo ear bõk juõn katak kin Bible, deloñ ilo mol eo, im jen ien eo ear kaorõk library eo an jibwin. Kakonkon in book kein remor emol kar juõn men in jolet eaorõk!
4 Leto-Letaki: Ijellokin am leto-letak book ko remor jen em-ñan-em, jab meloklok in leto-letaki ñe kwoj kõmman bar jeblak ko ibben armij ro kwoj jelã rej mõnõnõ in read book ko ad, ekoba ro rej subscribe ñan Imõniaroñroñ im Awake! im ro rej bed ilo lajrak in magazine route eo am. Kin ro rej katak Bible ibbam, jet book ko remor kwar kãleti remaroñ lelok ñan ir jelãlokjen ko me renaj kalaplok melele eo air kin mol eo. Jab meloklok in bõk jabdewõt book ko remor me rejjab bed ilo library eo am make. Ilo wãwen in, kwonaj kõmman juõn theocratic library eaorõk, eo kwomaroñ kajerbale ñan kakõmõnmõnlok am katak ibbam make.
5 Jen ad kakoni book ko remor, jen kortokjeir ñan kamakit armij ro jej iion ir ñan “mijõk Anij, im bokake kien ko An.”—Ekk. 12:13.