Box In Kajitok

◼ Ta book ko rej aikwij likiti ilo Theocratic Ministry School library?

Juõn laplap kin book ko kin men ko lor jitõb kar letoki kin tokjen ko ñõn armij ro an Anij. Kinke elõñ ri kwalok ro ejelok air make copy in aolep book kein, Theocratic Ministry School library ilo Kingdom Hall eo ej letok juõn ial ñõn kõmmõn research (etale) ilo book ko me emaroñ kar ejelok. Kin men in, ej aikwij wor ukok in Bible ko reoktak jen don, aolep book ko rekãl an Society, copy ko kin Ad Jerbal Ñõn Ailiñ Eo, bound volume ko kin The Watchtower im Awake! im copy ko kin Imõniaroñroñ, im Watch Tower Publications Index ko. Bareinwõt, juõn dictionary ekãl im emõn remaroñ kobaiki. Elañe ewor, encyclopedia ko, atlas ko, ak book in reference ko kin grammar im history emaroñ wor tokjeir. Bõtab, itoklimo eo ad elaptata ej aikwij kin book ko letok in “ri korijer eo e tiljek im meletlet.”​—Mat. 24:45.

Ilo jet case ko rej report bwe book ko rejakkar rar likiti ilo Theocratic Ministry School library eo. Ejjab ekkar ñõn kobaik book ko rej baj bwebwenato bajjõk, kamelele ko kin Bible me rej kalikar lemnak kin kabuñ an armij ro an lõl, ak book ko kin lemnak ko an armij ak kajitõbtõb. Theocratic Ministry School library en kobaik men ko me renaj kamaroñ ro rej kajerbale ñõn kõmmõn wõnmanlok ko ilo jitõb.​—1 Tim. 4:15.

School overseer eo ej bõk eddon library eo, meñe remaroñ jitõñ bar juõn brother ñõn jibañ kejbaroke. Ej aikwij lale bwe library eo en kãl wõt, im kobaik book ko rekãl ñe rej walok. Kajjojo book ren kakõlleiki ilo alikar itu-loan kilin kin etan congregation eo me ej an book eo. Kajjojo yiõ, ren etale book ko ñõn lale elañe jabdewõt rej aikwij kõkõmõnmõni ak kakãli.

Aolep remaroñ jerbal ibben don ñõn kejbarok library eo. Rej aikwij kejbarok wãwen eo rej jibwe im kajerbal book ko. Ren jab kõtlok bwe ajiri ro ren ikkure kaki, im bareinwõt jab jeje iloan. Juõn sign ebolemen remaroñ katotoike einwõt juõn kein kakememej bwe rejjab maroñ kadioj book ko jen Kingdom Hall eo.

Kinke emakijkij an ejaak congregation ko rekãl, elõñ library ko rejjab lukkun kilep. Jet ri kwalok ro me ewor book ko remor ibbeir remaroñ lemnak in jaba kaki ñõn congregation eo. Elder ro remaroñ kõnan order reprint ko an Watchtower bound volume ko jen Society. Ilo wãwen kein, Theocratic Ministry School library eo enaj wor tokjen in jibañ aolep ñõn kwalok mweiuk ko rettino ilo Nan eo an Anij, eo ej letok jelalokjen, meletlet, im lolokjen.​—Jabõn Kennan 2:4-6.