Karõk eo Ekãl kin Library ko ilo Kingdom Hall ko
Iumin elõñ yiõ ko, congregation ko ibelakin lal rar bõk tokjen jen air kajerbal library eo an Kingdom Hall eo air, mokta kar naetan Theocratic Ministry School library. Ilo ien ko remotlok, rar watõke einwõt juõn men in aikwij bwe kajjojo congregation en wõr air make library. Bõtab, ilo elõñ Kingdom Hall ko elõñlok jen juõn congregation rej kajerbali, im jet iair rej congregation ko rej konono bar juõn kajin, kin men in rar lo bwe ej men eo emõntata bwe kajjojo Kingdom Hall en wõr juõn wõt library ebolemen me ewõr aolep book ko rekãl ñan kajjojo kajin ko. Ilo Kingdom Hall ko me elõñlok jen juõn auditorium (jikin ko rej kwelok ie), kajjojo auditorium en wõr juõn library ñan kajjojo kumi ko rej konono bar juõn kajin im rej kwelok ie.
Rej kõtmene bwe karõk in enaj jibañ ñan kadiklok air kajerbal jikin im money. Bareinwõt, ilo air kobaik library ko an ruo ak elõñlok congregation ko, men in enaj kõmman bwe en laplok an bolemen library ko. Ñe rej kobaik library kein, book ko me elõñ lok copy iir remaroñ kakone im kajerbale tokelik ñe rej kalek Kingdom Hall ko rekãl. Elañe Kingdom Hall eo ewõr juõn computer im Watchtower Library eo ion CD-ROM, jet remaroñ lo bwe kein jerbal in emaroñ lap an wõr tokjen.
Ñan kajjojo Kingdom Hall library eo, juõn brother, emõnlok juõn ian overseer ro rej lale Theocratic Ministry School eo, en jerbal einwõt ri lale library eo. Jen ien ñan ien en aini tok book ko rekkar ilo library eo, im je etan congregation eo ilo peij eo itulikin kil eo iman in book eo ñan kalikar bwe ej an Kingdom Hall library eo. Juõn alen ilo juõn yiõ en lale bwe en ejelok juõn book en jako jen library eo im bwe ej emõn wõt wãwen book ko. Book ko jen library kein ren jab bõki jen Kingdom Hall eo.
Aolep ro rej koba ilo congregation eo elap air kaorõk Kingdom Hall library eo. Jen kwalok bwe jej kaorõk karõk in ilo ad kejbãrok im kajerbale ñan bukõt “jelalokjen kin Anij.”—Ken. 2:5.