Kabuñ eo Emol Ej Jededlok ilo Eastern Europe
1 Christian ro ilo ebeben eo kein kajuõn rar ri kwalok ro rekijejeto kin Ailiñ eo. Rar lañliñ ke oran congregation ko rar ‘orlok ran otemjej.’ (Jerbal 16:5) Kwalok nan eo air ilo beran ear bõklok kabuñ eo emol ñan Asia, Africa, im Europe, im ear walok ilo tokjen eo kin juõn madmõd elap in ri tõmak ro.
2 Ilo ien in ien jemlokin, kabuñ eo emol ej wõnmanlok im jededlok, elaptata ilo ene ko ilo Eastern Europe. Ilo ene ko ijo kien eo ear kemo jerbal eo ad ie mae yiõ ko jinoin 1990 ko, kiõ jej lo laplok ko rekabwilõñlõñ. 1999 Yearbook eo ej kwalok bwe ruo ian ene kein, Russia im Ukraine, rar kajjojo report elõñlok jen 100,000 ri kwalok ro rar bõk kunair ilo jerbal in kwalok nan. Ilo territory ko 15 ilo Soviet Union eo mokta, jen 1991 elõñlok jen 220,000 armij ro rar wujleplok air mour ñan Jehovah im rar baptais! Laplok in emõkaj ear kõmman bwe en juõn men in aikwij ñan kalek elõñ Kingdom Hall ko im Assembly Hall ko rekãl im bareinwõt ñan kalaplok elõñ jikin ra ko.
3 Kiõ juõn mõttan in Society Kingdom Hall Fund eo rej kajerbale ñan kõmman loan ñan congregation ko ilo ene ko ijo elap air aikwiji Kingdom Hall ko ie ak rejjab mweie im rej iion abañ ko relap ilo economy eo. Ilo ien eo ikõtan March 1996 im October 1998, Society eo ear kowãppen 359 application in loan ko kin Kingdom Hall ko jen ra ko rej bõk eddon 11 ene ko ilo Eastern Europe. Money ko armij rej jabawõt kaki rej kajerbale ñan wia weto ko im mweiuk ko ñan kalek Kingdom Hall ko rekãl im ñan jibañ congregation ko ñan kõkãl Kingdom Hall ko air. Pija kein rej kwalok ilo jidik mõttan in kin ewi wãwen jabawõt ko ñan Society Kingdom Hall Fund eo ilo United States im ilo ene ko jet kar wõr tokjen ñan ro jeid im jatid ilo Eastern Europe.
4 Ilo 1998, Bulgaria ear lo juõn laplok in 12-percent, im ro jeid im jatid rar lukkun lañliñ ke rar aje Kingdom Hall eo air moktata ilo April ilo ejja yiõ eo wõt. Croatia ear lañliñ kin juõn laplok in 4-percent, im kiõ brother ro rej kalek elõñlok Kingdom Hall ko, ñan kowõnmanlok kabuñ eo emol. Ilo Hungary 144 congregation ko rej kajerbal enañin 80 Kingdom Hall ko. Ej melelen men in bwe ian 235 congregation ko ilo ene eo, 61 percent ewõr jikin kabuñ eo air make. Ilo Macedonia program in kalek Kingdom Hall ko rar kadedelok air kalek ruo jikin ko rekãl, im elõñlok rej kaleki wõt. Ilo summer in 1999, juõn Kingdom Hall ruo mõttanin ear dedelok air kaleke ilo jikin kwelok in capital eo ilo Skopje. Enañin jiljino congregation ko remaroñ kajerbal mõn kwelok in.
5 Yiõ eo lok ilo Russia, enañin 260 armij rar baptais kajjojo week! Ilo lor joñok ko ilo ailiñ ko jet, ra eo ilo Russia ear kajutak 12 Regional Building Committee ko ilujen territory eo air elap, ñan lolorjake jerbal in ekkal Kingdom Hall ko ilo ran ko renaj itok. Ilo tu-eañ in St. Petersburg, emwij air jino air kaleke Assembly Hall eo air moktata ilo eneo, eo 1,600 armij renaj maroñ deloñ iloan. Jikin eo enaj bareinwõt koba lalem Kingdom Hall ko ibben 200 jea ko iloan kajjojo hall ko. Ñan kabwe aikwij ko ilo jitõb an ro jeid im jatid im elõñ ro rej itoklimo ilo ailiñ in Ukraine, 84 Kingdom Hall ko ededelok air kar kaleki im 80 rej kaleki wõt.
6 Laplok in ilo Eastern Europe ejjab kalañliñ ke buruõd? Jekdon ia eo jej jokwe ie, laplok in kabuñ eo emol ej kakememej kij bwe ejelok kalijeklok ibben Anij im meanwõd eo an enaj melelen lomor ñan juõn “jar elap.” (Rev. 7:9; 2 Pit. 3:9) Ej juõn jerammõn elap ibbed ñan bõk kunad jidik ñan kowõnmanlok eddeklok eo ilo jitõb an ro jet, meñe ibben ro ilo jikin ko retolok! Jabõn Kennan ko 28:27 ej kamol ñan kij bwe “Eo ej lelok ñõn ro dri jeramel, e jamin aikwij.” Mõnõnõ eo ad ñan jibañ kabwe wõnãn jerbal in ekkal eo enaj walok ilo juõn “jokwõn wõt juõn” in mweiuk ko, im enaj kamaroñ aolep ñan lo mõnõnõ eo ej itok jen lelok im lañliñ eo ej walok jen ad lo laplok eo an kabuñ eo emol ibelakin lal.—2 Kor. 8:14, 15; Jerbal 20:35.
[Pija eo ilo peij 3]
Săcele, Romania
[Pija eo ilo peij 3]
Maardu, Estonia
[Pija eo ilo peij 3]
Sevnica, Slovenia
[Pija eo ilo peij 3]
Tiszavasvári, Hungary
[Pija eo ilo peij 4]
Jūrmala, Latvia
[Pija eo ilo peij 4]
Tallinn, Estonia
[Pija eo ilo peij 4,5]
Taurage, Lithuania
[Pija eo ilo peij 4,5]
Belgrade, Yugoslavia
[Pija eo ilo peij 5]
Prievidza, Slovakia
[Pija eo ilo peij 5]
Mátészalka, Hungary
[Pija eo ilo peij 6]
Vranov nad Topl’ou, Slovakia
[Pija eo ilo peij 6]
Ruma, Yugoslavia
[Pija eo ilo peij 6]
Tornakalns, Latvia