Box In Kajitõk
◼ Ñããt eo ekkar ñan kajutak juõn kumi eo ej konono bar juõn kain kajin?
Ñe territory eo an juõn congregation ewõr juõn jar elap in armij ro rej konono bar juõn kajin, elder ro ren kõmman joñan air maroñ ñan karõk bwe ren kõmman jerbal in kwalok nan ilo kajin en. (km 7/02 p. 1; km 2/98 pp. 3-4) Emaroñ bwe jukjuk im bed eo an ro rej konono bar juõn kajin ej jebliklik ilujen territory ko an ruo ak elõñlok congregation ko. Elañe eindein, circuit overseer eo (ro) enaj lelok tel eo rej aikwiji, im ilo wãwen in jibañ congregation ko me ej jelet ir ñan jerbal ibben don ilo jerbal in kwalok nan. Jen ien ñan ien, remaroñ karõk bwe en walok juõn public talk ak Katak in Watchtower ñan lale jete armij renaj bed ilo kwelok ko ilo kajin eo.
Remaroñ kajutak juõn kumi eo ej konono bar juõn kajin ñe rej tõbar men in aikwij kein: (1) Ewõr ri kwalok ro ak ro rej itoklimo me emõnlok air melele kin news eo emõn ilo kajin eo. (2) Ewõr juõn elder ak ministerial servant eo ewõr an maroñ ñan tel im kõmman juõn kwelok ilo kajjojo week. (3) Juõn kumi in elder ro rej mõnõnõ in jurake kumi eo. Ñe rej tõbar men in aikwij kein, elder ro ren kejelãik ra eo bwe ren maroñ kowãppen kumi eo im lelok ñan ir nan in jiroñ ko jet.
Enañin aolep kumi ko rej jino ilo air kõmman Congregation Book Study eo kajjojo week. Tokelik, elder ro remaroñ kowãppen air kõmman kwelok ko jet, einwõt Public Meeting im Katak in Watchtower eo. Remaroñ kwalok Katak No. 2, 3, im 4 ilo Theocratic Ministry School eo ilo bar juõn room rej kõmmane school eo ie elañe ewõr juõn elder ak ministerial servant eo ewõr an maroñ im emõn an konono kajin eo me emaroñ jerbal einwõt ri kakabilek eo. Bõtab, kumi eo enaj koba ibben congregation eo ej bõk eddon kumi eo kin Katak No. 1, point ko relap ilo read Bible, im Service Meeting eo. Remaroñ kõmman bareinwõt karõk ko kin kwalok nan ñan kumi eo.
Aolep ro ilo kumi eo rej aikwij jerbal iumin tel eo an kumi in elder ro. Elder ro rej aikwij lelok nan in tel ko rejokkin wõt juõn im kwalok air itoklimo in lale aikwij ko an kumi eo. Ñe circuit overseer eo ej lolok congregation eo ej bõk eddon kumi eo, enaj bareinwõt karõk ñan jerbal ibben kumi eo ilo jerbal in kwalok nan ñan kõketake ilo jitõb. Kin kajerammõn an Jehovah, kumi eo ej konono bar juõn kajin emaroñ tokelik erom juõn congregation.