Kein Jipañ ñan Kein Katak eo Ad, Jerbal eo Ad im Wãween Ad Mour
Nobõm̦ba 4-10
KATAK KO RAORÕK JÃN NAANIN ANIJ | 1 JON 1-5
“Kom̦win Jab Yokwe Lal̦ ak Men ko ilo Lal̦ in”
Kwon Lor Joñok Eo Jesus Ear Likiti
13 Jet remaroñ lemnak bwe ejjab aolep men ko ilo lal in renana. Meñe eindein, lal in im men in kareelel ko an remaroñ kamad kij jen ad karejar ñan Jehovah. Im ejelok jabdewõt men me lal in ej letoke emaroñ karuaklok kij ñan Anij. Kin men in, elañe jej jino yokwe men ko ilo lal in, meñe men kein rejjab nana, jej bed ilo juõn ial ekauwatata. (1 Timote 6:9, 10) Bareinwõt, elõñ men ko ilo lal in renana im remaroñ kokkure kij. Elañe jej aluij movie ko ak television program ko me rej kwalok kin lej, arõk mweiuk, im mour in lũñ, men kein remaroñ oktak im emõn—inem erom juõn men in kabo ñan kij. Elañe elap ad tel ad ibben ro elap air itoklimo ñan kakõmanmanlok wãwen mour ko air ak ñan kalaplok business ko air, men kein remaroñ oktak im aorõk ibbed bareinwõt.—Matu 6:24; 1 Dri Korint 15:33.
L̦õmn̦ak kõn Mour Rot Eo Kwõj Aikuj Mour Kake
18 Bar juon men me emaroñ jipañ kõj ñan jum̦ae “men ko ilo lal̦” in ej ilo ad keememej naan ko an Jon. Ear ba: “Lal̦ ejakol̦o̦k im m̦õm̦ ko an; a eo ej kõm̦anm̦an ankilaan Anij ej pãdwõt indeeo.” (1 Jon 2:17) Jet remaroñ l̦õmn̦ak bwe jukjukun pãd in an Setan eban jako. Ak ilo m̦ool juon iien enaaj jako. Ñe jej keememej bwe m̦õttan jidik aolep men ko ilo jukjukun pãd in renaaj jako, innem jeban po ilo menin kapo ko an Setan.
Kal̦apl̦o̦k Am̦ Mel̦el̦e
Naan in Kaiñ ak Kakeememej ko an Jeova Rejim̦we
14 Ilo bok in Matu l̦o̦k ñan Revelesõn elukkuun lõñ naan in kaiñ ko ak kakeememej ko ñan kõj kõn kwal̦o̦k yokwe ñan doon. Jijej ear ba bwe kien eo kein karuo eaorõk ej “yokwe ri turum̦ im ãinwõt kwe.” (Matu 22:39) L̦eo jatin Jijej etan Jemes, ear bar ba bwe ‘kien eo el̦ap’ ej bwe jen kwal̦o̦k yokwe. (Jemes 2:8) Ejjel̦o̦k oktak jãn men eo rijjelõk Jon ear bar ba kõn yokwe, ear ba: “Kom̦, ro jitõnbõro, Ijjab jejewaj ñan kom̦ kien ekããl, a kien etto eo ear ippemi jãn jinoin; . . . Bar juon, ij jejewaj ñan kom̦ kien ekããl.” (1 Jon 2:7,8) Kien eo etto im kien eo ekããl me Jon ear kõnono kake rej jitõñl̦o̦k ñan ta? Eokwe, rej jitõñl̦o̦k ñan kien eo ñan kwal̦o̦k yokwe. Unin an ba “kien eo etto” ej kõnke em̦õj an kar Jijej kakien men in ñan rũkal̦oor ro an jãn “jinoin” ke ear pãd ippãer. Ak ta mel̦el̦ein an kar Jon ba “kien ekããl”? Eokwe, ej kõnke rũkal̦oor ro renaaj iiooni mãlejjoñ ko me rejjañin kar iiooni m̦okta. Innem, renaaj aikuj kal̦apl̦o̦k aer yokwe doon ilo iien rot kein. Jelukkuun m̦õn̦õn̦õ bwe Jeova ej kakeememej kõj bwe jen yokwe doon im jab l̦õmn̦ak wõt kõn kõj make ãinwõt armej in lal̦ in.
it-1-E 862 pãr. 5
Jeorl̦o̦k Bõd
Ej juon men ejim̦we ñan jar ñan Anij bwe en jol̦o̦k bõd ko an ro jet, emaroñ kõn bar aolep ilo eklejia eo. Moses ekar kõm̦m̦ane men in kõn an kar kwal̦o̦k an l̦õmn̦ak kõn aelõñ in Israel, ear kwal̦o̦k kõn jerawiwi ko aer im ear kajjitõk ñan jol̦o̦k aer bõd, im Jeova ear roñjake kajjitõk eo an. (Bõn 14:19, 20) Bareinwõt Solomon, ke ear ajel̦o̦k tampel̦ eo, ear jar ñan Jeova bwe en jol̦o̦k bõd ko an armej ro an el̦aññe rar jerawiwi im oktakl̦o̦k jãn kõm̦m̦an ko aer renana. (1Kñ 8:30, 33-40, 46-52, UBS) Ezra ear kõnono ikijjeen ri-Ju ro me rar rõl̦o̦k jãn aer jipo̦kwe ilo an kar kwal̦o̦k jerawiwi ko aer ilo̦bwilej. Jar eo an im naanin rõjañ ko an ear kõm̦m̦an bwe armej ro ren em̦m̦akũt bwe Jeova en jol̦o̦k aer bõd. (Ezr 9:13–10:4, 10-19, 44, UBS) Jemes ear rõjañ eo ear m̦õjn̦o̦ ilo tõmak bwe en kũrtok em̦m̦aan ro rej lale eklejia ñan jar kõn e, im “el̦aññe ear jerawiwi, naaj jeorl̦o̦k an bõd.” (Jem 5:14-16) Bõtab ewõr “juon jerawiwi ej tõll̦o̦k ñan mej”, jerawiwi n̦ae jetõb kwõjarjar, eo ej kõm̦m̦an jerawiwi rot in Anij ejjãmin jol̦o̦k an bõd. Juon Kũrjin ejjab aikuj jar kõn ro rar kõm̦m̦an jerawiwi rot in.—1Jo 5:16; Mt 12:31; Hi 10:26, 27; lale SIN, I; SPIRIT.
Nobõm̦ba 11-17
KATAK KO RAORÕK JÃN NAANIN ANIJ | 2 JON 1-13; 3 JON 1-14–JUD 1-25
“Jej Aikuj Kate Kõj bwe Jen Pãd Wõt ilo M̦ool eo”
“Komin Bin Ilo Iroij”
8 Jejjab jajelokjen kin makitkit ko an Satan kinke Jeje ko ilo Bible rej kalikar kin wãwen ko an. (2 Dri Korint 2:11) Devil eo ear kajerbal abañ ko kin wãwen mour, mij eo an jitenburu ro an, jumae jen lio belen, eñtan ko ilo enbwin, im nan in kinaak ko reriap jen ro jeran rewan ñan kajeoñ in kabo emaan eo ewãnik, Job. Job ear buromõj im lemnak bwe Anij ear illok jen e. (Job 10:1, 2) Meñe Satan ejjab kõmman abañ ko ilo kajju rainin, abañ kein rej jelet elõñ Ri Christian ro, im Devil eo emaroñ kajerbal abañ kein ilo wãwen eo ekõnan.
9 Men ko rekauwatata ilo jitõb rej laplok wõt ilo ran kein eliktata. Jej mour ilo lal eo ej kaorõk jibadbad ko ilo kanniek jen ko ilo jitõb. Television im movie ko rej kwalok bwe mour in ejej ej unjen mõnõnõ im jab unjen inebata. Im enañin aolep armij rar oktak im “ro rej yokwe men in kabuñburueir elap jen air yokwe Anij.” (2 Timote 3:1-5) Lemnak rot in emaroñ jelet jokkin wõt juõn ilo mour in jitõb eo ad elañe jejjab “kate [kij] kin tõmak eo.”—Jud 3.
Kal̦apl̦o̦k Am̦ Mel̦el̦e
it-2-E 279
Ilo Iien Kõjota ko
Baibõl̦ eo ejjab kõmel̦el̦eik kõn iien kõjota ko im ejjab bar kwal̦o̦k ewi ikkutkut in aer kar kõm̦m̦ane. (Jud 12) Kõjota kein rar jab juon kien jãn Irooj Jesus Christ ak rijjilõk ro an, im alikkar bwe iien kein ejjab kar juon menin aikuj ñan kõm̦m̦ane. Ewõr jet rar ba bwe iien kein rar iien ko me Kũrjin ro rem̦weiie rej kõm̦m̦ani im rũttõmak ro m̦õttaer me rejeram̦õl rar ruwainene ñan kõjota kein. Rar koba ippãn ro ratajinemjen, ro emej l̦õm̦aro pãleer, ro rem̦weiie, im ro rettã, rar aolep m̦õñã ilo juon tebõl̦ eobrak kõn m̦õñã ãinwõt jemjein jemjati.
it-2-E 816
Wõd
Bar juon naanin Grik, spi·lasʹ, ewõr an kõmel̦el̦e ko kõn wõd ko me ren̦ojak ibul̦õn lo̦jet. Jud ear kõjerbale ñan kõm̦m̦an waanjoñak kõn em̦m̦aan ro rar del̦o̦ñ ilo eklejia eo an Kũrjin ro bwe ren kõm̦m̦an jorrããn. Ãinwõt an wõd ko ren̦ojak kauwõtata ñan tim̦a ko, ãindein an em̦m̦aan rein lukkuun kauwõtata ñan ro jet ilo eklejia eo. Ear kõnono kõn em̦m̦aan rein im ba: “Rej pãd ibwiljimi ilo iien kõjota ko ami bwe ren kwal̦o̦k yokwe ñan rũttõmak ro, bõtab rej ãinwõt wõd ko ren̦ojak ibul̦õn lo̦jet.”—Jud 12.
“Ear Kabuñbũruon Anij”
Ta eo Inok ear kanaan kake? Ear ba: “Lo, Irooj ear itok ippãn joñoul to̦ujin ko An rekkwõjarjar, bwe En kõm̦m̦an ekajet ñan ro otemjej, im n̦aruon ro rinana otemjej, kõn aolep jerbal ko renana me rar kõm̦anm̦an ilo nana, im kõn men ko otemjej relãj me rijjerawiwi renana rar kõnono n̦ae E kaki.” (Jud 14, 15) Bõlen men eo m̦oktata kwõj kile ilo kanaan in an Inok ej bwe wãween an kwal̦o̦ke ear ãinwõt ñe em̦õj an kar Anij kajejjete. Elõñ iaan rũkanaan ro tokãlik rar bar kwal̦o̦k kanaan ko aer ilo wãween in. Innem ta eo men in ej kaalikkare? Ej kaalikkar bwe men eo ear kanaan kake enaaj jejjet. Joñan an kar jel̦ã bwe enaaj jejjet, ear kõnnaan kake ãinwõt ñe em̦õj an kar wal̦o̦k!—Aiseia 46:10, UBS.
“Ear Kabuñbũruon Anij”
Tõmak eo an Inok ej kõm̦akũt kõj ñan etale kõj make ñan lale el̦aññe jej bar bõk ejja l̦õmn̦ak eo wõt an Anij kõn jukjukun pãd in jej mour ie. Ennaan eo Inok ear peran im kwal̦o̦ke ej jerbal wõt ñan rainin. Ennaan in elukkuun jejjet ñan tõre in jej mour ie ãinwõt an kar jejjet ilo raan ko an Inok. Jeova ear kajejjet kanaan eo Inok ear kwal̦o̦ke ilo an kar bõktok Ibwijleplep eo ñan ko̦kkure rinana ro ilo raan ko an Noa. Bõtab men in ear wal̦o̦k ej juon waanjoñak kõn jorrããn eo el̦ap me epojak in wal̦o̦k ilo raan ko repãd im̦aan. (Matu 24:38, 39; 2 Piter 2:4-6) Anij im enjel̦ ro an rekkwõjarjar repojak in naaj ko̦kkure jukjukun pãd in enana. Innem, kõj kajjojo jej aikuj roñjake naanin kakkõl eo an kar Inok im bar kwal̦o̦ke ñan ro jet. Baam̦le ko ad im ro m̦õttad remaroñ m̦akoko in roñjake naanin kakkõl in. Kõn men in, jet iien jemaroñ bũrom̦õj kõn ad make iaad. Bõtab ãinwõt an kar Jeova jab ilo̦k jãn Inok, ejãmin bar ilo̦k jãn rũkarejar ro an retiljek ilo raan kein!
Nobõm̦ba 18-24
KATAK KO RAORÕK JÃN NAANIN ANIJ | REVELESÕN 1-3
“Ijel̦ã kõn Kõm̦m̦an ko Am̦”
Kain Rot L̦õmn̦ak ko Kwõj Kwal̦o̦ki?
8 Jemaroñ kõjparok kõj jãn wãween l̦õmn̦ak in ejjab jim̦we ilo ad keememej bwe Jijej ej ‘kabwijer jiljilimjuon iju ilo tuanbijmaroñõn pein.’ “Iju” ko ej mel̦el̦ein em̦m̦aan ro kar kapit er. Bõtab, men ko kar ba kõn ri kapit rein emaroñ bar jerbal ñan aolep em̦m̦aan ro rej lale eklejia ko. Jijej emaroñ kõm̦m̦an jabdewõt men ekõn̦aan ñan “iju” kein me ej kabwijeri ilo pein. (Revelesõn 1:16, 20, UBS) Kõnke Jijej ej Bõran eklejia eo, elukkuun jel̦ã kõn men ko rej wal̦o̦k ippãn em̦m̦aan ro rej lale eklejia ko. Baibõl̦ ej ba bwe ‘mejãn Jijej ej ãinwõt urur in kijeek’ im ej lo aolep men ko rej wal̦o̦k. Innem, el̦aññe juon iaan em̦m̦aan rein rej aikuj in bõk kajim̦we, Jijej enaaj lale bwe en bõk kajim̦we ilo iien eo ejejjet im ilo wãween eo ejim̦we. (Revelesõn 1:14) M̦ae iien eo Jijej enaaj kõm̦m̦ane men in, jej aikuj kwal̦o̦k wõt kautiej ñan em̦m̦aan ro rej lale eklejia im rej pãd ium̦win maroñ eo an Jijej. Paul ear je: “Kom̦win pokake im kõttãik kom̦ ñan ro rej tõl kom̦, bwe rej lale ami, ãinwõt ro renaaj kwal̦o̦k kõn aer kõm̦m̦an, bwe ren kwal̦o̦k im lañlõñ im jab bũrom̦õj. Bwe men in ejjab menin kakajooror kom̦.”—Hibru 13:17.
Jeova Ej Kõjparok Kõj bwe Jen Bõk Lo̦mo̦o̦r
11 Ilo visõn eo ilo bok in Revelesõn jebta 2 im 3, Irooj Jijej Kũraij ej lo ta ko rej wal̦o̦k ilo eklejia ko jiljilimjuon ilo Esia Minor. Etan jikin in ilo raan kein ej Turkey. Kũraij ejjab jel̦ã wõt kõn wãween an eklejia ko pãd ak ej bar lo aolep men ko rej wal̦o̦k ie. Ilo visõn in, Kũraij ej kwal̦o̦k kajjojo iaan men kein im ej bar kwal̦o̦k kõn jet armej ro. Bareinwõt, ej lel̦o̦k naan in nõbar ñan eklejia ko ak naan in kakapilõk ko me kajjojo iaaer eaikuji. Ta mel̦el̦ein visõn in ñan kõj? Eklejia ko jiljilimjuon rej jutak kõn Kũrjin ri kabit ro ãlikin iiõ eo 1914. Meñe naan in kakapilõk kein jãn Kũraij rej ñan ri kabit ro ak emaroñ bar jerbal ñan aolep eklejia ko an ro doon Anij ijin ioon lal̦. Kõn men in, jemaroñ ba bwe Jeova ej kõjerbal Nejin ñan tõl armej ro An rainin. Ewi wãween jej kõtl̦o̦k an Jeova tõl kõj?
Debij Wõt Buñten Nee Eo Ibben Dolul Eo An Jehovah
20 Debij wõt buñten nee eo ibben dolul eo ej emmakit manlok wõt an Jehovah ej aikwiji ad kile jerbal eo Anij ear kabbeik Jesus kake einwõt “bõran congregation eo.” (Ephesians 5:22, 23, NW) Ej bareinwõt, aorõk lale Aiseia 55:4, ijo rej jiroñ kij: “Lo! I ar lelok E juõn Dri Kennan ñõn ro dri ailiñ ko, juõn Dri Tel im Iroij ñõn dri ailiñ ko.” Emol Jesus ejelã wãwen tel. Bareinwõt ejelã kin sheep ro an im jerbal ko air. Ilo mol, ke ear etale congregation ko jiljilimjuõn ilo Asia Minor, lalem alen ear ba: “I jela kõmõn ko am.” (Reveles̃õn 2:2, 19; 3:1, 8, 15) Jesus ebareinwõt jelã jerbal ko ad, einwõt Jemen, Jehovah. Mokta jen an kar lelok joñok eo kin Jar, Jesus ear ba: “Jememiuij e jela men ko komij aikwij mokta jen ami kajitõk iben.”—Matu 6:8-13.
Kal̦apl̦o̦k Am̦ Mel̦el̦e
kr-E 226 pãr. 10
Aelõñ eo an Anij Enaaj Jol̦o̦k ri-Kõjdat ro an
10 Ennaan eo kõn iien ekajet eo. Aolep ri-kõjdat ro an Aelõñ eo an Anij renaaj loe an wal̦o̦k men in innem enaaj l̦apl̦o̦k wõt aer eñtaan. Jesus ear ba: “Innem renaaj lo an Nejin armej itok ilo kõdo̦ ko kõn el̦ap kajoor im aiboojoj.” (Mark 13:26) Men in ekabwilõñlõñ enaaj kaalikkar bwe Jesus ej itok ñan kõm̦m̦ane iien ekajet eo. Ilo juon iaan m̦õttan ko ilo kanaan in kõn raan ko ãliktata, Jesus ear letok elõñl̦o̦k kõmel̦el̦e ko kõn iien ekajet eo me enaaj wal̦o̦k ilo iien en̦. Jej lo mel̦el̦e in ilo bũrabõl̦ eo kõn jiip ko im ko̦o̦t ko. (Riit Matu 25:31-33, 46.) Ro rej tiljek ñan Aelõñ eo an Anij naaj ekajete er ãinwõt ro rej “jiip” im renaaj “reilõñl̦o̦k,” im kile bwe “epaaktok iien lo̦mo̦o̦ren” er. (Luk 21:28) Bõtab, ro rej jum̦ae Aelõñ eo naaj ekajete er ãinwõt “ko̦o̦t ko” im “renaaj lukkuun bũrom̦õj,” im kile bwe “mej ñan indeeo” ej kõttar er.—Matu 24:30; Rev. 1:7.
Katak ko Relap Jen Buk in Reveles̃õn—I
2:7—Ta in “Paredais an Anij”? Kinke nan kein rej ñõn dri kabit ro, paredais in ej jitõñlok ñõn lõñ ijo Anij ej ber ie. Naj kejerammõn dri kabit rein retiljek ñõn “mõña jen leen wijki in mour.” Renaj bõk mour in jitõb im rejamin mij.—1 Kor. 15:53.
Nobõm̦ba 25–Tijem̦ba 1
KATAK KO RAORÕK JÃN NAANIN ANIJ | REVELESÕN 4-6
“Ro Rej Uwe Ioon Kidia ko Emãn”
Ro Rej Uwe Ioon Kidia ko Emãn Wõn Rein?
Wõn eo ej uwe ioon kidia eo emouj? Jemaroñ jel̦ã wõn in ilo ad riiti eoon ko jet ilo ejja bok in wõt ilo Baibõl̦. Tokãlik ilo bokin Revelesõn, ej ba bwe etan eo ej uwe ioon kidia eo emouj ej “Naan eo an Anij.” (Revelesõn 19:11-13, UBS) Taitõl̦ in, Naan eo, ej an Jijej Kũraij kõnke e eo ej rũkõnono eo an Anij. (Jon 1:1, 14) Bareinwõt, Baibõl̦ ej n̦aetan “Kiiñ ioon kiiñ ro, im Irooj ioon irooj ro,” im ej bar ba bwe etan ej “Tiljek im M̦ool.” (Revelesõn 19:11, 16, UBS) Alikkar bwe eo ej uwe ioon kidia eo emouj ewõr an maroñ ãinwõt juon kiiñ ej ilo̦k ñan tarin̦ae, im wãween an kõjerbal maroñ in an ewõr ekajet jim̦we. Etke? Kõnke ejjab kõjerbale ilo jabdewõt wãween enana im ejjab jim̦we. Bõtab, men in ej kõm̦m̦an bwe en wanlõñtak bar jet kajjitõk ko.
Ro Rej Uwe Ioon Kidia ko Emãn Wõn Rein?
Ñããt eo ro rej uwe ioon kidia ko emãn rar jino ettõr kõn kidia kein? Eokwe, eo ear ettõr m̦oktata ej Jijej. Im ear jino an uwe ioon kidia eo waan ke ej m̦õj kõpãlpele kõn juon crown bwe en juon kiiñ ilañ. (Revelesõn 6:2, UBS) Ñããt eo Jijej ear jino an kiiñ ilañ? Ejjab ãlikin an kar jerkakpeje im ilo̦k ñan lañ kõnke Baibõl̦ ej ba bwe ãlikin an kar jepl̦aak ñan lañ, ear aikuj kõttar ium̦win jidik iien. (Hibru 10:12, 13, UBS) Jijej ear kwal̦o̦k kõkal̦l̦e ko ñan rũkal̦oor ro an bwe ren maroñ kab kile ñããt enaaj jem̦l̦o̦k iien an kõttar im an naaj jino irooj ilañ. Ear ba bwe ñe enaaj jino an tõl, aolep wãween ko ilo lal̦ in rej kab baj naaj nanal̦o̦k wõt. Enaaj wõr tarin̦ae, ñũta ak jabwe m̦õñã, im nañinmej ko rel̦l̦ap im rekapopo. (Matu 24:3, 7, UBS; Luk 21:10, 11, UBS) Ear jejjet men in ãlikin wõt an kar jino Pata eo an Lal̦ in Kein Kajuon ilo 1914. Eñin iien eo Baibõl̦ ej n̦aetan “raan ko ãliktata.”—2 Timote 3:1-5.
Ro Rej Uwe Ioon Kidia ko Emãn Wõn Rein?
Eo ej uwe ioon kidia in ebũrõrõ ej kõkkar kõn tarin̦ae. Eoon eo ej kwal̦o̦k bwe ej kõm̦m̦an tarin̦ae ioon aolepen lal̦ in, ejjab ilo jet wõt aelõñ. Ilo kar 1914 eo, ear wal̦o̦k tarin̦ae ilo aolepen lal̦ im eñin kar iien eo jinointata an wal̦o̦k men in ilo bwebwenato. Ãlikin Pata eo an Lal̦ in kein kajuon, ear bar wal̦o̦k Pata eo an Lal̦ in Kein karuo, eo im el̦apl̦o̦k an kar nana im ear ko̦kkure mour ko an elõñ armej. Jet rej an̦to̦o̦nel̦o̦k im ba bwe jãn kar 1914 tok ñan rainin, elõñl̦o̦k jãn 100 milien oran armej ro rar mej ilo tarin̦ae. Im ebar lõñ oran ro rar kinejnej im jorrããn jãn tarin̦ae ko rej wal̦o̦k ilo lal̦ in.
Ro Rej Uwe Ioon Kidia ko Emãn Wõn Rein?
“Ke iar reilo̦k ij lo juon horse [ak kidia] kilmeej ej pãd ijo. Eo ej uwe ioon ej jibwe juon kein bo̦un. Iar roñ juon ainikien ej itok jãn bwiljin menninmour ko emãn. Ear ba, ‘On̦ãn juon joñak in wiit ej dettan wõt on̦ãn jerbal ilo juon raan, ak on̦ãn jilu joñak in baarl̦i ej dettan on̦ãn jerbal ilo juon raan. Ak kwõn jab ko̦kkure oil eo kab wain eo!’”—Revelesõn 6:5, 6, UBS.
Eo ej uwe ioon kidia in ekilmeej ej kõkkar kõn ñũta. Eoon eo ej kwal̦o̦k bwe joñan an jabwe m̦õñã, on̦ãn juon kuwat (1.08 L) in wiit ej juon denariõs. Ilo kar tõre eo an rũkal̦oor ro an Jijej, eñin kar joñan on̦ãn juon rijerbal ilo juon raan! (Matu 20:2, UBS) Ejja jããn in wõt ekar maroñ bwe ñan wiaik 3 kuwat (3.24 L) in baarl̦i, m̦õñã eo me rekõn watõk bwe edikl̦o̦k tokjãn jãn wiit. Innem alikkar bwe joñan m̦õñã in ejabwe ñan naajdik juon baam̦le kileplep. Eñin unin kar kakkõl armej ro ñan jab ko̦kkure wain, oliv oil, im m̦õñã ko jet kijeer me ekkã aer m̦õñã jãn raan ñan raan.
Ro Rej Uwe Ioon Kidia ko Emãn Wõn Rein?
Eo ej uwe ioon kidia eo kein kãmen ej kõkkar kõn mej, itok wõt jãn an wõr nañinmej ko rel̦l̦ap im men ko jet me rej kõm̦m̦an an armej mej. Ãlikin wõt kar 1914, nañinmej eo rej n̦aetan Spanish flu, ear m̦an 10 milien armej ro. Emaroñ kar wõr joñan in 500 milien armej ro me nañinmej in ear jelõt er. Mel̦el̦ein bwe juon jãn 3 armej ilo kajjojo kumi ekkar ñan kar population eo an armej ilo tõre eo, ear bõk nañinmej in Spanish Flu!
Bõtab, ekar bar wõr nañinmej ko jet rar wal̦o̦k ãlikin wõt nañinmej in Spanish flu. Taktõ ro im rũmmãlõtlõt ro rej an̦to̦o̦nel̦o̦k im ba bwe jãn kar 1901-2000 eo, elõñ bukwi milien armej ro rar mej jãn aer kar bõk nañinmej in bok aidik. Ñan rainin, nañinmej ko jet ãinwõt AIDS, TB, im malaria rej bõk mour ko an armej ro meñe ewõr uno ko im kein taktõ ko rekããl ñan bõbraik nañinmej kein.
Jekdo̦o̦n ta ak armej ro rej mej wõt. Rej mej itok jãn an wõr tarin̦ae, ñũta, im nañinmej ko rel̦l̦ap. Jikin Mej, ak lõb eo libõn armej, ejjab bõjrak an ain ãnbwinnin rimej ro im kõm̦m̦an an armej ro l̦õmn̦ak bwe ejjel̦o̦k aer kõjatdikdik.
Kal̦apl̦o̦k Am̦ Mel̦el̦e
re-E 76-77 pãr. 8
Aiboojoj eo an Tũroon eo an Jeova Ilañ
8 Jon ear jel̦ã bwe kar jitõñ bũrij ro ñan jerbal ilo im̦õn kõppãd eo. Kõn men in, emaroñ kar bwilõñ kõn men eo ej itõn kõmel̦el̦eiki me ear loe: “Ewõr 24 tũroon rar kaapool̦e tũroon in, im 24 elder rej jijet ioon tũroon kein im rej nuknuk mouj, im rej kõn̦ak kũrawũn gold ioon bõraer.” (Revelesõn 4:4) Alikkar bwe ijello̦kun kar bũrij ro, ear lo 24 elder ro, rej jijõt im kõn̦ak kũrawũn ko ãinwõt kiiñ ro. Wõn elder rein? Ejjab bwe ren utiej ak rej rũkkapit ro me rar jerkakpeje im pãd ilo ijo jikier ilañ me Jeova ear kallim̦uri er kake. Ewi wãween ad jel̦ã men in?
re-E 80 pãr. 19
Aiboojoj eo an Tũroon eo an Jeova Ilañ
19 Enjel̦ rein rej pijaikl̦o̦k ta? Juon pijen jãn bar juon ri-kanaan, Ezekiel, emaroñ jipañ kõj ñan lo uwaak eo. Ezekiel ear lo an Jeova jijet ioon jariot eo ilañ, im enjel̦ ro robrak kõn mãj itum̦aan im itulik im juon wõt ãnbwin rej ãinl̦o̦kwõt ro me Jon ear kõmel̦el̦e kake er. (Ezekiel 1:5-11, 22-28, UBS) Tokãlik, Ezekiel ear bar lo bwe ilo tũroon in jariot eo, enjel̦ ro rar bar pãd iturin. Bõtab ilo iien in, ear jitõñl̦o̦k enjel̦ rein ãinwõt kerub ko. (Ezekiel 10:9-15) Enjel̦ ro emãn me Jon ear loi rej jutak kõn kerub ko rellõñ an Anij, rein rej bõk juon jerbal eutiej ilo doulul eo An ilañ. Jon enaaj kar l̦õmn̦ak bwe ejjab juon men ekããl ñane ñan loe an kerub ko lukkuun pãd iturin Jeova, kõnke ilo kar im̦õn kõppãd eo, kar karõk bwe kerub ko ruo kar kõm̦m̦an jãn Gold ren pãd ioon mejãn tõptõp in kallim̦ur eo, me ej jutak kõn tũroon eo an Jeova. Innem, ikõtaan kerub kein ruo, ej wal̦o̦ktok ainikien Jeova im ej lel̦o̦k kien ko an ñan aelõñin Israel.—Exodus 25:22; Sam 80:1.
cf-E 36 pãr. 5-6
“Lale M̦õk! L̦aiõn eo jãn Bwijjin Juda”
5 L̦aiõn ko relukkuun peran. Kwõnañin ke kar jutak im jelm̦ae juon l̦aiõn? Ñe em̦õj am̦ kar kõm̦m̦ane men in, ejjel̦o̦k pere bwe ewõr juon men ear kõjparok eok bwe kwõn jab jorrããn jãn mennin mour in, bõlen jãn wõrwõr eo an ilo jikin kaloojoj eo. Jekdo̦o̦n ak men in emaroñ kar kaamijak wõt. Ilo am̦ kalimjek mejãn mennin mour in ekilep im kajoor im an bar lukkuun reiwaj ñan kwe, epen am̦ nãj tõmak ke ewõr men en̦ ej mijake. Baibõl̦ ej kwal̦o̦k bwe “l̦aiõn ko rekajoor jãn menin mour otemjej, im ejjel̦o̦k men en rej mijake.” (Jabõn Kõnnaan 30:30, UBS) Ãindein peran eo ippãn Christ.
6 Jen etale jilu wãween ko rej kaalikkar an Jesus kwal̦o̦k peran ãinwõt juon l̦aiõn: ñe ej jutak kõn m̦ool eo, ej ekajet jim̦we, im ñe ej iioon jum̦ae. Jenaaj bar loe bwe meñe jeperan ak jaab, ak kõj aolep jemaroñ anõke Jesus ilo ad kwal̦o̦k peran.