Bwebwenato

Kwal̦o̦k Tũriam̦o ñan Aolep Armej

Juon raan, juon jeid im jatid kõrã ilo New Zealand ear alwõje pijain alwõj eo etan “Have . . . Concern for One Another,” me ej kõnono kõn an Jeova jab baj eñjake wõt tũriam̦o ak ej bar kwal̦o̦ke ilo kõm̦m̦an ko an. (Ais. 63:​7-9) Kõrã in jeid im jatid ear pepe bwe enaaj jerbali men ko ear katak kaki ikijjeen an jipañ ro jet. Tokãlik ilo ejja raan eo wõt ke ear etal im kaikujkuj, ear iioone juon kõrã me ejjel̦o̦k an jikin jokwe im in jeid im jatid ear kajjitõk ñe emaroñ wia l̦o̦k kijen m̦õñã. Kõrã eo ear ba em̦m̦an. Ke kõrã eo jeid im jatid ear bar jepl̦aak kõn m̦õñã eo, ear kwal̦o̦k naan jidik ñan kõrã in ikijjeen an kõjerbale tũrããk eo etan Enaaj Ke Jem̦l̦o̦k Ad Eñtaan?

Kõrã eo ear jañ. Ear ba bwe ear dik im rũttol̦o̦k ãinwõt juon iaan Ri-Kõnnaan ro an Jeova, bõtab ear ilo̦k jãn m̦ool eo elõñ iiõ ko remootl̦o̦k. Ijoke, ejjabto m̦okta jãn iien in, ear jar ñan Jeova bwe en jipañe ñan bar jepl̦aak ñan E. Kõrã eo jeid im jatid ear lel̦o̦k ñan kõrã in juon Baibõl̦ im kõm̦m̦an karõk ñan an kõrã in katak Baibõl̦.a

Ãinwõt Jeova, jemaroñ kwal̦o̦k tũriam̦o ñan ro jet, ekoba ro nukũd im ro jeid im jatid ilo eklejia eo. Im jemaroñ kwal̦o̦k tũriam̦o ikijjeen ad pukot iien ko repel̦l̦o̦k ñan kwal̦o̦k naan ñan ro jet.