Armij Rekkal Juõn Imõn Bar E Utiej

ELÕÑ yiõ ko r’ar ellã. Lõmaro nejin Noa e ar lõñ nejiir. Im ro nejiir r’ar ridtolok im bar lõñlok nejiir. Ejjab etto e ar lõñ armij ilo lõl.

Juõn ian armij rein kar juõn jibwin Noa etan Nim’rod. E ar juõn eman enana eo e ar kakiruru im mõn armij im men in mour. Nim’rod e ar bareinwõt mõke kairoij e bwe en iroij ion armij ro jet. Anij e ar jab mõnõnõ iben Nim’rod.

Aolep armij ro ilo ien in r’ar konono juõn wõt kajin. Nim’rod e ar kõnan kakuk ir iben dron bwe en maroñ iroij ioir. Inem kwo jela ke ta eo e ar kõmõne? E ar jiroñ ir bwe ren kalek juõn jikin kwelok im juõn imõn bar e utiej ñõn lõñ. Lale ir mõk ilo pija in ke rej kõmõn birõk.

Jeova Anij e ar jab mõnõnõ ilo ekkal in. Anij e ar kõnan bwe armij ro ren driojlok im jokwe i aolepen lõl. Ak armij ro r’ar ba: ‘Itok: Jen kalek juõn jikin kwelok im juõn imõn bar e lukkun utiej bwe jabõn en tõbar lõñ. Inem je naj buñbuñ!’ Armij ro r’ar kõnan bwe ro jet ren nebar ir, im jab Anij.

Kin men in, Anij e ar kõmõn bwe en bwijrak air kalek imõn bar eo. Kwo jela ke ewi wãwen an kar kõmõne? Ilo jirimkij e ar kõmõn bwe armij ro ren konono kaju kain kajin, im jab juõn wõt. Dri ekkal ro r’ar jab bar maroñ melele ainiken dron. Eñin unin jikin kwelok eo air kar na etan Be’bel, ak Babilõn, melelen “Biuk”.

Armij ro kiõ r’ar jino emõkit jen Bebel. Jar ko in armij ro me r’ar konono juõn wõt kajin r’ar etal iben dron im jokwe iben dron ilo mottõn ko kajojo in 1õ1.