Lio Belen Lot E ar Reilik

LOT im famili eo an r’ar jokwe iben Ebream ilo enen Ke’nean. Juõn ran Ebream e ar ba ñõn Lot: ‘Ejjab bwe enin ñõn men in mour ko nejerro. Joij, jen jibil jen dron. Elañe kwo naj etal ñõn juõn jikin, inem I naj etal ñõn bar juõn jikin.’

Lot e ar bõk mejen i aolepen eneo. E ar lo juõn mõttõn eneo e lukkun emõn im elõñ dren im ujoij ko remõn ñõn men in mour ko an. Jikin in kar Bukwon eo etan Jordon. Inem Lot e ar kamõkit famili eo an im men in mour ko an ñõn ijin. Elikin jet ien r’ar kõmõne mweo imwiir ilo jikin kwelok eo etan Sod’om.

Armij in Sod’om r’ar kanuij nana. Men in e ar kainebataik Lot, kinke Lot e ar juõn armij emõn. Anij e ar inebata bareinwõt. Tokelik, Anij e ar jilkinlok ruo enjel bwe ren kakkil Lot bwe e ar iten kokkure Sod’om im jikin kwelok eo ebake, etan Go-mor’ra, kin air nana.

Enjel ro r’ar jiroñ Lot im ba: ‘Kwon kaiur yuk! Kwon añin lio beleõm im limaro ruo nejõm im driojlok jen ijin!’ Lot im famili eo an r’ar jarin rumij ilo air ilok, im kin men in enjel ro r’ar tokarkare peir im kadriojlok ir jen jikin kwelok eo. Inem juõn ian enjel ro e ar ba: “Komin ko kin ami mour! Komin jab reilik. Komin ko ñõn tol kõn, bwe komin jab mij.’

Lot im limaro nejin r’ar bokake im ko jen Sod’om. R’ar jab bwijrak ñõn jirik, im r’ar jab reilik. Ak lio belen Lot e ar jab bokake. Elikin air etal etolok jirik jen Sod’om, e ar bwijrak im reilik. Inem lio belen Lot e ar erõm jurõn salt. Kwoj loe ke ilo pija in?

Je maroñ katak juõn katak emõn jen men in. Ej kalikar bwe Anij ej lomoren ro im rej bokake e, ak ro im rejjab bokake enaj joko air mour.