Ta eo Kwon kar Kõmõne?
50 Kwo kõnan ke mour in drio ilo paredais eo e aibujuij?
Inem kwon kalaplok am jela kin menko me Anij ej ba. Kwon kajeoñ katak read Baibel eo.–Jon 17:3; Reveles̃õn 1:3
51 Kwon kalaplok am jela kin Jisõs.–Duteronomi 18:18,19; Jon 3:16; Jerbal 3:19-23
52 Kwon kajeoñ in kõmõni menko remõn wõt im bokake Jeova.–Rom 6:17,18,22
53 Kememij, Jeova ej ba bwe jen jab mõn armij.–Exodus 20:13; 1 Jon 3:11, 12
54 Jen jab bõk menko me rej an ro jet.–Exodus 20:15; Epesõs 4:28
55 Juõn emaan en jab jokwe im kiki ibben juõn kora elañe ejjab belen.–Exodus 20:14,17; 1 Tessalonika 4:3
56 Kwoj kememij ke jete kora Anij ej kotlok ñõn juõn emaan? En kar ie toan an juõn emaan ber ibben lio belen?–Jenesis 2:22,24; Matu 19:5, 6; 1 Korint 7:2, 10, 11
57 Kememij bareinwõt, bwe jen kar kabuñ ñõn Jeova wõt.–Matu 4:10; 1 Korint 8:6
58 Ekjõp im men in e ko re ban jibañ kij? Etke?–1 Korint 8:4
Emõn ke elañe eor ekjõp ko ibber?–Duteronomi 27:15; 1 Jon 5:21
59 Etke enana ar kajerbal ken anijnij im bubu?–Duteronomi 18:10-13; Reveles̃õn 2:18
60 Enjel ro re nana ak dimõn ro r’ar jumae Anij. Rej kajerbal dri anijnij ro bwe ren kajebwabweik armij ro.–Jerbal 16:16
61 Jej aikwij in jar ñõn Anij. Melelen jar ej bwe jen konono ibben Anij, kennanek e bwe je kõnan jerbal ñõn e im kajitõk jibañ ibben.–Pilippai 4:6,7
62 Jej aikwij in bokake Jisõs im tõmak e.–Hibru 5:9; Jon 3:16
63 Kememij bwe e ar mij bwe en lomoren kij.–Rom 5:8
64 Kememij bwe Jisõs ej Kiñ eo ar me je ban loe kin mejer. Jen kar bokake e.–Pilippai 2:9-11; Reveles̃õn 19:16
65 Jisõs e ar ba bwe kwon kennanek ro jet kin menko remõn kwoj katak kaki im bwe ro re kõnan jerbal ñõn Anij ren baptais.–Matu 28:19, 20; Jon 4:7-15
66 Inem kwo maroñ konono ibben ro jeram kin men kein remõn.–Matu 10:32
67 Elañe kwo jela read, elõñlok menko kwo maroñ katak im enaj emõnlok am maroñ jibañ ro jet.–2 Timote 2:15
68 Jisõs e ar bareinwõt katakin ajiri ro redrik bwe ren bokake Anij. E jañin kar boup ñõn an konono ibeir.–Matu 19:13-15
69 Ridto ro ren kar katakin ro nejeir ien otemjej bwe ren bokake Anij im yokwe e.–Duteronomi 6:6,7; Jabõn Kennan 6:20-22; Epesõs 6:4
70 Ekanuij in lõñ kabũn ko. Elõñ wõt ian katak ko air rejjab jen Baibel eo. Jeova ej jiroñ kij bwe jen ilok jen kabuñ ko me rejjab katakin mol eo.–Reveles̃õn 18:4; Jon 4:23, 24
71 Eor juõn jar in armij an Jeova ranin ion lõl me remarõn katakin yuk elõñlok menko kin e. Kwo jela ke wõn rein?–Jerbal 15:14; Rom 10:14, 15
72 Rein ej Dri Kennan ro an Jeova. Eor ainemõn ilo bwiljiir. Kwo jela ke ta unin? Kinke rej yokwe dron.–Aiseia 43:10-12; Jon 13:34, 35
73 Kinke rej bareinwõt yokwe Jeova, emwij air baptais. Eñin w̃awen air kwalok imaan mejen armij bwe r’ar ilok jen ial ko air renana ilo mour im re kõnan kajerbal mour ko air ilo air jerbal ñõn Anij.–Jerbal 2:41
74 Dri Kennan ro an Jeova kejatrikrik eo air in bwe ren mour ilo paredais eo ekããl.–Sam 37:9-11, 29
Ta eo kwo maroñ kõmõne bwe kwon mour ijo ibbeir?–Jemes 1:22, 25; 2:20-26
75 Kwon kobalok ibeir im katak wãwen jerbal ñõn Jeova. Rej yokwe im bokake Jeova im Kraist Jisõs. Kwoj yokwe ke ir? Kwon kõnan ke jibañ ro jet jela kin Anij?–Jon 6:45-47
76 Jeova im Kraist Jisõs rej yokwe yuk im kõnan bwe kwon mour in drio ilo paredais.–Jon 3:16
Menko kw’ar katak jen am lali pija im nan ko iloan buk in ren kar likit ibem juõn kõnan ñõn mour in drio ion lõl ilo mõnõnõ. Elañe kwo kõnan kalaplok am jela kin menin, kimij kajitõk bwe kwon kebaak juõn ian Dri kennan ro an Jeova ilj kwoj jokwe ie. Ak, kwo maroñ jeje, ak kajitõk bwe bar juõn en jeje ikijiõm, ñõn office eo ebaake ijo kwoj ber ie, ekkar ñãn lajrak in atrej ko ilo peij ruo in buk in.