Wõn Ro Rej Jeran Anij?

Jesus Christ ej Nejin Jehovah im ej jeran eo ebaktata. Mokta jen an kar mour ion lal einwõt juõn emaan, Jesus ear mour ilañ einwõt juõn enjel ekajur. (Jon 17:5) Inem ear itok ñan lal bwe en katakin armij mol eo kin Anij. (Jon 18:37) Bareinwõt ear lelok mour eo an ñan lomoren armij ro jen jerawiwi im mij. (Dri Rom 6:23) Jesus ej King in Ailiñ eo an Anij kiõ, juõn kien ilañ eo enaj bõktok Paradise eo ñan lal.​—Reveles̃õn 19:16.

Enjel ro rej jeran Anij bareinwõt. Enjel ro rar jab jinoe mour eo air einwõt armij ro ion lal. An kar kõmanmõn ir ilo lañ mokta jen an kar Anij kõmanmõn lal. (Job 38:4-7) Elõñ million enjel ro. (Daniel 7:10, NW) Rein jeran Anij ilañ rekõnan bwe armij ro ren katak mol eo kin Jehovah.​—Reveles̃õn 14:6, 7.

Ewõr ro jeran Anij ion lal bareinwõt; ej naetair ri kennan ro an. Juõn ri kennan ak ri kamol ilo imõn ekajet eo ej kwalok men eo ej jelã kake kin juõn armij ak men. Ri Kennan ro an Jehovah rej jiroñ armij ro jet kin men eo rej jelã kin Jehovah im karõk eo an. (Aiseia 43:10) Einwõt enjel ro, Ri Kennan rein rekõnan jibañ yuk bwe kwon katak mol eo kin Jehovah. Rekõnan bwe kwon jeran Anij bareinwõt.