BAAT 9

Ñããt Lal̦ in Enaaj Erom Juon Pedetaij?

Apañ ko im jej loi rej kam̦ool bwe m̦õttan jidik Aelõñ eo an Anij enaaj ukot lal̦ in ñan juon pedetaij. Luk 21:10, 11; 2 Timote 3:1-5

Men ko renana me rej wal̦o̦k ilo raan ko ãliktata—kããm̦bõl̦, tarin̦ae, nañinmej ko rel̦l̦ap, ñũta, ajri ro rejjab pokake, im lãj ilo baam̦le ko

Baibõl̦ eo ear kwal̦o̦k bwe men ko jej loi rainin renaaj kar wal̦o̦k. Ear ba bwe armej ro renaaj arõk ak mejen jããn, lãj, im l̦õmn̦ak wõt kõn kõn̦aan ko aer make. Bareinwõt ajri ro reban pokake jemãer im jineer.

Ear bareinwõt ba bwe enaaj wõr m̦akũtkũt lal̦, tarin̦ae, kwõle, im nañinmej ko rekapopo. Men kein aolep rej wal̦o̦k kiiõ.

Juon iaan Ri Kõnnaan ro an Jeova ej kwal̦o̦k kõn ennaan eo em̦m̦an kõn Aelõñ eo ñan juon em̦m̦aan

Bareinwõt Jijej ear ba bwe nuuj eo em̦m̦an kõn Aelõñ eo an Anij enaaj peddejake iaolepen lal̦.—Matu 24:14.

Aelõñ eo an Anij enaaj jol̦o̦k aolep men ko renana. 2 Piter 3:13

Ro renana renaaj jako ilo Armagedon, innem naaj kaje Setan im enjel̦ ro an renana

Ejjabto jãn kiiõ Jeova enaaj ko̦kkure aolep ro renana.

Naaj kalbuuji Setan im enjel̦ ro renana.

Jijej ej jijet ioon tũroon eo an ilañ im armej ro jãn ipel̦aakin lal̦ in rej lañlõñ

Ro im rej roñjake Anij renaaj mour ilo pedetaij, ijo im armej ro wõt rewãnõk renaaj amn̦ak ie. Reban bar mijak kõnke aolepen lal̦ in enaaj obrak kõn armej ro rem̦m̦an im rej yokwe doon.