Al 137
Jipañ Kõm ñan Peran
Kõm kwal̦o̦k kõn Kien eo am̦,
Im bar kõn ãt eo Etam̦,
Elõñ armej rej jum̦ae kõm
Ro jet rej kabbeere kõm.
Ijello̦kun am mijak,
Kwe eo wõt kõmij pokake.
Kõm akwel̦ap kõn kajoor eo am̦;
O Jeova, eo̦roñ am jar.
(KO̦RÕJ)
Jouj im jipañ kõm ñan peran;
Jipañ kõm ñan jab mijak.
Jipañ im kaperan wõt kõm
Bwe aolepen lal̦ en roñ.
Armagedon ej epaaktok,
Ak ke kõmij kõttare tok,
Jouj im jipañ kõm ñan peran.
Jar eo am in.
Mekarta ñe kõmij mijak,
Kwõj keememej kõm bũñal.
Kwõj kallim̦ur ñan jipañ kõm
Kõmij tõmak naan kein am̦.
Lale aer kalõl̦ño̦ñ kõm
Im n̦aruem im kaeñtaan kõm.
Jouj im jipañ kõm ñan peran wõt
Im kwal̦o̦k kõn ãt eo etam̦.
(KO̦RÕJ)
Jouj im jipañ kõm ñan peran;
Jipañ kõm ñan jab mijak.
Jipañ im kaperan wõt kõm
Bwe aolepen lal̦ en roñ.
Armagedon ej epaaktok,
Ak ke kõmij kõttare tok,
Jouj im jipañ kõm ñan peran.
Jar eo am in.
(Lale bareinwõt 1 Te. 2:2; Hi. 10:35.)