Kwoj Kwalok Nan ke ilo Beran?
1 Meñe ri jumae ro rar jibwe im kamijak ir, Peter im John rar wõnmanlok im keañ kin ennan eo an Ailiñ eo ilo beran. (Jerbal 4:17, 21, 31) Ta melelen ñan ad kwalok nan ilo beran rainin?
2 Kwalok Nan ilo Beran: Juõn nan einlok wõt “(bold) beran” ej “intrepid,” eo ej melelen “tiljek ilo jab mijak, ilo bebe ebin, im ilo kijenmij.” Ñan ri Christian ro remol, kwalok nan ilo beran ej melelen ñan am jab mijak in konono ñe ebellok juõn ien emõn ñan kwalok kin news eo emõn ibben ro jet. (Jerbal 4:20; 1 Pit. 3:15) Ej melelen bwe jejjab jook kin news eo emõn. (Sam 119:46; Rom 1:16; 2 Tim. 1:8) Kin men in, beran ej juõn kadkad jej aikwiji ñan kõtõbrak jerbal eo ad ñan kwalok kin news eo emõn kin Ailiñ eo ilo ien in eliktata. Ej kamakit kij ñan leto-letak news eo emõn ibben armij ro ilo jabdewõt jikin jemaroñ in lo ir.—Jerbal 4:29; 1 Kor. 9:23.
3 Beran in School: Juõn kõnan ñan mijak ak jook ej kõmman an bin ke ñan am kwalok nan ñan ri school ro mõttam? Jet ien ejjab bidodo; ilo mol, emaroñ juõn aitwerõk elap. Bõtab, Jehovah enaj kakajur yuk elañe kwoj jar kin beran ñan kwalok nan ibben ro jet. (Sam 138:3) Beran enaj jibañ yuk ñan kwalok kajjõm einwõt juõn ian ri Kennan ro an Jehovah im ñan jutak bin ñe rej kajirere kake yuk. Tokjen men in, am kwalok nan ilo school emaroñ lomoren ro rej roñjake yuk.—1 Tim. 4:16.
4 Beran ilo Jikin Jerbal eo: Rej jelã kajjõm ke einwõt juõn ian ri Kennan ro an Jehovah ilo jikin jerbal eo? Bõlen wãwen eo wõt ri jerbal ro mõttam remaroñ roñ kin news eo emõn emaroñ ilo am kwalok nan ñan ir. Beran eo am enaj bareinwõt jibañ yuk ñan kajitõk am bõk ien kakije kin kwelok ko in Christian im convention ko.
5 Beran Ñe Kwoj Bed Iumin Melejoñ: Kõmman ad beranlok eaorõk ñe jej jelmae jumae. (1 Tes. 2:1, 2) Ej jibañ kij ñan debiji tõmak eo ad ñe jej jelmae air kamijak, kajirere, ak matõrtõre kij. (Pil. 1:27, 28) Ej kakajur kij ñan jutak bin ñe rej jibed kij ñan jolok ad lor kien ko an Anij eo ad, Jehovah. Ej kakajur kij ñan kejbãrok ad ainemõn ñe ro jet rej akwel ibbed.—Rom 12:18.
6 Jekdon ta abañ ko jej jelmaiki, kimij kejatdikdik bwe jenaj aolep kijenmij ilo ad kwalok kin news eo emõn ilo beran.—Ep. 6:18-20.