Naanin Ijjino ko ñan Jebta 5

Ãlikin an kar RiIsrael ro kijoone Lom̦al̦o Ekilmir, ruo allõñ tokãlik rar tõpar Tol̦ Sainai. Ke rar pãd ijin, Jeova ear kõm̦m̦ane juon bujen ippãer ñan bõk er bwe ren armej ro an. Jeova ear kõjparok er im kabwe aolepen aikuj ko aer. Ear lel̦o̦k kijeer manna, ear lale bwe nuknuk ko aer ren jab m̦or, im ear pukot jet jikin ko rem̦m̦an im rejjab kauwõtata ñan aer kiki ie. El̦aññe ewõr nejũm̦, jipañe ñan mel̦el̦e etke Jeova ear lel̦o̦k ñan RiIsrael ro Kien Moses, im̦õn kõppãd eo, im bũrij ro. Lukkuun kaalikkar aorõkin ad aikuj kajejjet kallim̦ur ko ad, kwal̦o̦k wõt ettã bõro, im ñan dãpij wõt ad tiljek ñan Jeova aolep iien.