Naanin Ijjino ko ñan Jebta 9

Katak ko ilo jebta in rej katakin kõj kõn ro reddik kab rũkanaan ro im kiiñ ro me rar kwal̦o̦k an kar l̦ap tõmak ko aer ilo Jeova. Ilo aelõñin Siria, ear wõr juon ledikin Israel me ear tõmak bwe ewõr an rũkanaan eo an Jeova maroñ ñan kõmour Neaman jãn nañinmej eo an. Rũkanaan Ilaisha ear lukkuun tõmak bwe Jeova enaaj kar kõjparoke jãn juon kumi in tarin̦ae. Bũrij L̦apl̦ap eo etan Jihoiada ear likũt mour eo an ilo kauwõtata ilo an kar kõjparok l̦adik eo etan Joash jãn Atalaia, lel̦l̦ap nana eo jibwin l̦adik in. Kiiñ Hezekaia ear lõke bwe Jeova enaaj kar kõjparok Jerusalem, im ear jab roñjake RiAssiria ro meñe rar kajjioñ in kaamijake. Kiiñ Josaia ear jol̦o̦k ekjab ko ilo ãneo im ear bar kõkããle tampel̦ eo im jipañ armej ro bwe ren ro̦o̦l ñan kabuñ eo em̦ool.