KATAK 20

Naanin Kõjjem̦l̦o̦k ko Rejejjet

Ekklisiastis 12:13, 14, UBS

ILO TUKADU: Ilo naanin kõjjem̦l̦o̦k ko am̦, lujur armej ro bwe ren tõmak im jerbale mel̦el̦e ko rar katak kaki.

Naanin kõjjem̦l̦o̦k ko am̦ ren jejjet ñan tarlep in katak eo. Ãliji boin ko raorõk im tarlep in katak eo.
Lujur armej ro. Kaalikkar ñan armej ro wãween aer maroñ l̦oore mel̦el̦e ko im unin an jim̦we im aorõk ñan aer kõm̦m̦ane men in. Kõnono ilo juon wãween ej kaalikkar am̦ lukkuun tõmak bwe katak eo kwõj kwal̦o̦ke em̦ool im el̦ap an aorõk.
Naanin kõjjem̦l̦o̦k ko am̦ ren kadu im alikkar. Jab kobaik boin ko rekããl ilo jem̦l̦o̦kin katak eo am̦. Bareinwõt, naan ko am̦ ren jab lukkuun aetok im ren kõm̦akũt bũruon armej ro ñan jerbale katak eo.

Jab ekkaiuriur ilo am̦ kõjem̦l̦o̦ke katak eo, im jab kadikl̦o̦k joñan ainikiõm̦. Ijoke en l̦ap im em̦m̦an joñan ainikiõm̦ ñe kwõj kwal̦o̦k jãntõj ko ãliktata.