Kwal̦o̦k Am̦ Itoklimo kõn Ro Jet

Men eo Jesus Ear Kõm̦m̦ane

PIJAIN ALWÕJ: Jesus and the Woman at the Well

1. Alwõje PIJAIN ALWÕJ EO, ak riiti Jon 4:​6-9. Innem etale kajjitõk kein:

1. M̦okta jãn an kar Jesus jino bwebwenato ippãn kõrã eo, ta eo ear lale im kile kõn e?

2. Jesus ear ba: “Jouj im letok lim̦õ aebõj.” Etke men in ear juon wãween em̦m̦an ñan an jino bwebwenato ippãn kõrã eo?

Ta eo Jej Katak jãn Jesus?

2. El̦apl̦o̦k an armej ro m̦õn̦õn̦õ in bwebwenato el̦aññe jej kõnono kõn juon men rej itoklimo kake.

Anõke Jesus

3. Jel̦ã ukoktak. Ñe kwõj jino bwebwenato ippãn juon armej, jab kõnnaan wõt kõn men ko kwaar pojak in kõnono kaki. Jinoe ilo am̦ bwebwenato ippãer kõn men ko rej itoklimo kaki. Kajjitõk ippam̦ make:

1. ‘Ta ko rej wal̦o̦k ilo nuuj ko?’

2. ‘Ta ko ro ri-turũ, ri-jerbal ro, ak ri-jikuul̦ ro rej kõnono kaki?’

4. Lukkuun lale ipel̦aakũm̦ im wãween ko ippãn armej ro. Kajjitõk ippam̦ make:

1. ‘Ta eo armej in ej kõm̦m̦ane? Ta eo emaroñ l̦õmn̦ak kake?’

2. ‘Wãween an armej eo nuknuk, paotokin, kab m̦weo im̦õn, ewi wãween an men kein jipañ eõ ñan jel̦ã kõn tõmak eo an kab m̦anit eo an?’

3. ‘Em̦m̦an ke iien in ñan aõ bwebwenato ippãn armej eo?’

5. Roñjake.

1. En jab l̦ap am̦ kõnnaan.

2. Rõjañ armej eo ñan kwal̦o̦k l̦õmn̦ak ko an. Ñe ekkar, kwal̦o̦k kajjitõk ko.