Ñe Jorrãn Ko Rej Walok

Accra, Ghana, July 4, 1995: Wũt ko relaptata ilo enañin 60 yiõ ko rar kõmmõn elap ibwijleplep. Enañin 200,000 rar luji aolepen men ko mweieir, 500,000 rar luji ial eo ñõn moko imweir, im 22 rar luji mour ko air.

San Angelo, Texas, U.S.A., May 28, 1995: Aire ko im wũt ko einwõt dekã rar kokkure jikin in 90,000 armij in, im kõmmõne juõn joñan eo ej $120 million (U.S.) wõnãn jorrãn ko.

Kobe, Japan, January 17, 1995: Juõn makitkit lõl aetokan 20 wõt second ko ear kõmmõn an thousand armij mij, ñoul thousand rar ikkinejnej, im buki thousand ear ejelok imweir.

JEJ mour ilo ien eo jemaroñ naetan juõn tõreãn jorrãn ko. Juõn report an United Nations ej kalikar bwe ilo juõn ien eo 30-yiõ aetokan jen 1963-​92, oran armij ro rar mij, ikkinejnej, ak etal jen ijoko jikier kin jorrãn ko ear laplok ñõn joñan eo 6 percent kajjojo yiõ. Wãwen in ear kõmmõn an UN karõk yiõ ko ilo 1990 einwõt “Ebeben eo Ibelakin Lõl ñõn Kadiklok Jorrãn ko.”

Bwebota, juõn kajur​—einwõt juõn lañ, juõn ebjak in volcano, ak juõn makitkit lõl—​ejjab aolep ien bõktok jorrãn. Buki jorrãn ko rej walok kajjojo yiõ ilo an ejelok jorrãn ñõn armij. Ak ñe juõn jorrãn elap ej jelet mour im men ko mweien armij, ejimwe bwe jen naetan juõn jorrãn.

Juõn laplok in jorrãn ko ej walok im alikar an juõn men eo jejjab maroñ bõpraiki. Ilo book eo Jorrãn ko Rej Walok​—Kõmmõn in Anij ke ak Kõmmõn in Armij? ej kwalok: “Armij ro rej ukõt men ko ibelakier im kõmmõn menin an laplok an walok jet jorrãn ko, im kõmmõn bwe ir make en bidodo an jorrãn kein jelet ir.” Book in ej kwalok kin juõn joñok in lemnak wõt: “Juõn makitkit lõl eo ejjab kanuij lap ilo juõn jikin eo moko ie rej kaleki kin bedkat ion ijo ejirimle im aidik alikar ej kamol an naj juõn jorrãn ikijen an armij mij im iñtan. Ak jorrãn eo ear walok tok wõt jen makitkit lõl eo ke ak jen an armij ro jokwe ilo kain moko rekauatata ilo kain jikin eo ejirimle im aidik ?”

Ñõn ri school in Bible ro, ewor bar juõn un eo unin an laplok jorrãn ko im ejjab menin ilbõk. Enañin 2,000 yiõ ko remotlok, Jesus Christ ear kanan bwe “jemlokin jukjuk in bed in” naj kar kakõlleiki ikijen, “ñitta im makitkit lõl ilo juõn jikin elikin juõn,” im men ko jet. (Matthew 24:3, 6-8) Bible eo ear bareinwõt kanan bwe ilo “ran ko eliktata,” armij ro enaj anij ilo burueir, im renaj dri arõk mweiuk, im dri jualõñlõñ, im dri jua, im rejjab yokwe emõn.a (2 Timothy 3:1-5) Wãwen kein ekkã air kõmmõn bwe armij ren jerbal nae men ko ibelakier, im kõmmõn bwe armij en laplok an bidodo an jorrãn jen kajur ko rej walok. Jorrãn ko rej kõmmõn in armij rej bareinwõt juõn mõttan jorrãn eo ej walok jen jukjuk in bed eo ejelok yokwe ie im elõñ wõt armij rej aikwij jokwe ie.

Ke iju in ad ej orlok wõt kin armij ro ie, ke wãwen mantin armij ej likit armij ilo juõn kauatata eo elaplok, im ke men ko ilo lõl in me jej aikwiji ñõn mour ej laplok an bwid kajerbali, jorrãn ko renaj etal wõt im menin kaiñtan ñõn armij. Lelok menin jibañ ej jarõk juõn menin kõtõbar, einwõt an naj walok ilo katak in tok juõn.

[Kamelele eo itulal]

Pija eo itulõñ in peij in: Information Services Department, Ghana; anmoon: San Angelo Standard-Times

[Etan eo ear kõmman pija eo ilo peij 2]

COVER: Maxie Roberts/Courtesy of the STATE